Qazaqstan-Qytaı shekarasy úsh kúnge jabylady
ASTANA. KAZINFORM – Qytaı Halyq Respýblıkasynyń qurylǵan kúnin merekeleýge baılanysty Qazaqstan-Qytaı shekarasyndaǵy avtomobıldi ótkizý pýnkti úsh kúnge jumysyn toqtady. Bul týraly Memlekettik kirister komıtetiniń baspasóz qyzmeti málim etti.
«Memlekettik kirister komıteti Qytaı Halyq Respýblıkasynyń qurylǵan kúnin merekeleýine baılanysty 2024 jylǵy 1 qazannan bastap 3 qazanǵa deıin Qazaqstan-Qytaı shekarasyndaǵy avtomobıldi ótkizý pýnkterinde tulǵalardyń, kólik quraldary men júkterdiń ótýi júzege asyrylmaıtynyn habarlaıdy», — delingen aqparatta.
Qazaqstan-Qytaı shekarasyndaǵy temirjol ótkizý pýnktteri shtatty rejımde jumysyn jalǵastyrady.
«Tasymaldaýshylardan jáne shekaradan ótýge nıet bildirgenderdiń barlyǵynan engizilgen shekteýlerdi eskere otyryp, óz marshrýtyn aldyn ala josparlaýdy suraımyz», — dep habarlady Memlekettik kirister komıteti.
