Qazaqstan kınoteatrlarynda qandaı fılmder kórsetiledi — apta premeralaryna sholý

BABAI BOL

Janry: komedııa, otbasy
Uzaqtyǵy: 85 mınýt
El: Qazaqstan, 2026
Rejısser: Oljas Ermekbaev

Qyzynyń oqý aqysyn tóleý úshin aqsha izdegen 45 jastaǵy balalar anımatory Ashat baı úıge urlyqqa túsedi. Ol ádiletsiz eńbeginiń óteýi retinde qymbat áshekeıdi alyp ketkisi keledi. Biraq ony úıdegi kishkentaı Kámıla baıqap qoıady. Tyǵyryqtan shyǵýdyń amalyn tappaǵan Ashat ózin «elespin» dep aldaıdy. Kútpegen jerden Kámıla oǵan senip qalady.

Dál sol sátte qyzdyń ákesi Ulan keledi. Ol uzaq ýaqyttan beri alǵash ret qyzynyń bir nársege shyn qyzyǵyp, qýanyp otyrǵanyn kóredi. Ulan da olardyń oıynyna qosylyp, osy úı salynǵan jer týraly jumbaq oqıǵany aıtyp beredi…

NESSI. LOH-NESS QUBYJYǴY (Nessı. Chýdışe ız Loh-ness)

Janry: mýltfılm, otbasy
Uzaqtyǵy: 80 mınýt
El: Norvegııa, Belgııa, Germanııa, 2025
Rejısser: Endre Skandfer

Nessı basqalarǵa onsha uqsamaıdy: ol teńiz jylandary qoǵamdastyǵynda jalǵyz júze almaıtyn jan. Biraq qyrsyq shalyp, olardyń jasyryn araldary qorǵanysqa muqtaj bolǵanda Nessıge eń úlken qorqynyshymen betpe-bet kezdesip, otbasyn qutqarýǵa týra keledi.

TENЬ

Janry: shytyrman oqıǵa, mýltfılm, otbasy
Uzaqtyǵy: 79 mınýt
El: Germanııa, 2026
Rejısser: Mohammad Pırzadı

Kóshe kezip júrgen Skottı esimdi mysyqtyń ómiri Ten atty úı mysyǵy paıda bolǵannan keıin túbegeıli ózgeredi. Ekeýiniń birge jasaǵan sapary úlken shytyrman oqıǵaǵa aınalady. Alaıda Skottı kópten ańsaǵan erkindigine qaıta oralý múmkindigine ıe bolǵanda, erkindik pen dostyqtyń arasynan tańdaý jasaý ońaı bolmaıdy.

ÁÝESTІK (Obsessııa)

Janry: qorqynysh
Uzaqtyǵy: 108 mınýt
El: AQSh, 2025
Rejısser: Karrı Barker

Mahabbatqa tym sengish Aıý sulý Nıkıge baıaǵydan ǵashyq edi. Bir kúni ol ezoterıkalyq dúkennen erekshe sıqyrly taıaqsha taýyp alady. Ańyz boıynsha, eger taıaqshany syndyrsań, eń tereń tilegiń oryndalady. Aıý Nıkıdiń ózin bul dúnıedegi bárinen artyq jaqsy kórgenin qalaıdy.

Kóp uzamaı Nıkı shynymen oǵan ǵashyq bolady. Biraq Aıýdyń qýanyshy uzaqqa sozylmaıdy. Ýaqyt óte kele ol Nıkıdiń mahabbaty shekten shyǵyp, qaýipti áýestikke aınalǵanyn baıqaıdy. Qyzdyń ár qadamyn baqylaýy men tynymsyz nazary Aıýdy qorqyta bastaıdy.

Tilegi oryndaldy. Biraq bári ol armandaǵandaı bolmady.

MANDALORLYQ PEN GROGÝ (Mandalorets ı Grogý)

Janry: atys-shabys, shytyrman oqıǵa, qııal-ǵajaıyp,
Uzaqtyǵy: 132 mınýt
El: AQSh, 2026
Rejısser: Djon Favro

Zulym Imperııa kúıregenimen, onyń burynǵy qolbasshylary men jasaqtary áli de ǵalamda erkin áreket etip júr. Osy kezde jańadan qurylǵan Respýblıka Qarsylyq qozǵalysy qorǵap qalǵan álemde tártip ornatýǵa tyrysady. Dál osy ýaqytta ańyzǵa aınalǵan mandalorlyq jaldamaly jaýynger Dın Djarın men onyń jas serigi Grogý qaýipti oqıǵalardyń ortasyna tap bolady.

QUDAILAR JAILAÝY (Pastbışa bogov)

Janry: trıller
Uzaqtyǵy: 120 mınýt
El: Reseı, 2026
Rejısser: Anar Abbasov

Kúızeliske túsken dosy Olegke kómekteskisi kelgen máskeýlik kásipker Igor birneshe dostaryn ertip, Pamır taýyna eshki aýlaýǵa attanady. Jergilikti halyq bul janýarlardy «nahchır» dep ataıdy jáne olardy Perı atty kıeli rýhtyń qyzdary qorǵaıtyn qasıetti maqulyq sanaıdy.

Bastapqyda jaı qyzyq úshin bastalǵan ańshylyq birte-birte qatygez qumarlyqqa aınalady. Qanǵa degen áýestik taýdaǵy tynyshtyq pen kózge kórinbeıtin tepe-teńdikti buzady. Sóıtip, kádimgi ańshylyq sapary olardyń óz ómiri úshin kúresetin qaýipti synaqqa aınalady.

QAMAÝ

Janry: drama, tragedııa, psıhologııa
Uzaqtyǵy: 66 mınýt
El: Qyrǵyzstan, 2026
Rejısser: Ibraev Erkınbek

Qas qaraıǵanda saıabaqta ursysyp jatqan jup shyǵady. Olardyń qarym-qatynasy — meıirimdilik áp sátte býlyqqan ashýǵa aýysatyn qumarlyq pen ózara kúıreýdiń qospasy.

TYLSYM QUBYLYS. SEÝL (Paranormalnoe ıavlenıe. Seýl)

Janry: qorqynysh
Uzaqtyǵy: 105 mınýt
El: Ońtústik Koreıa, 2025
Rejısser: O Se-ho

Jumys istep, balasyn tárbıelep otyrǵan jalǵyzbasty ana San Hı týraly qorqynyshty fılm. Ol kishkentaı qyzy úshin búkil úıge qaýipsizdik kameralaryn ornatady jáne oǵash oqıǵalar bola bastaıdy.

Ótken aptadaǵy kınopremeralar tizimin osy jerden kóre alasyzdar.