Qazaqstan Katardyń isker toptarymen yntymaqtastyqty nyǵaıtpaq
Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.
Bıyl álemniń túkpir-túkpirinen 600-den astam delegatsııa ókilderi, sonyń ishinde Úkimet, syrtqy saıası vedomstvolar basshylary, halyqaralyq uıymdar men álemdik sarapshylar qaýymdastyǵynyń ókilderi, sondaı-aq saıasatkerler men bıznesmender jańa dáýirge arnalǵan transformatsııa taqyrybynda pikir almasty. Sondaı-aq, geosaıası alıanstar men halyqaralyq kelisimder, qarjy júıesi men ekonomıkalyq damý, kıbernetıkalyq jáne azyq-túlik qaýipsizdigi, sondaı-aq turaqty damý men klımattyq ózgerister sııaqty mańyzdy baǵyttar talqylandy.
Forým aıasynda Qazaqstannyń syrtqy saıası vedomstvosynyń basshysy Katar Memleketiniń Premer-Mınıstriniń orynbasary – Syrtqy ister mınıstri sheıh Muhammed ben Abdýlrahman ál-Tanımen ekijaqty kelissózder ótkizdi. Taraptar sońǵy birneshe jylda ekijaqty yntymaqtastyqtyń jandanǵanyn atap ótip, Qazaqstan-Katar ózara is-qımylynyń aǵymdaǵy jaı-kúıi men odan ári damý perspektıvalaryn, atap aıtqanda saýda-ekonomıkalyq jáne ınvestıtsııalyq yntymaqtastyqty nyǵaıtýdy talqylady.
Muhtar Tileýberdi sózinde: «Katar-Qazaqstannyń arab álemindegi mańyzdy saıası jáne ekonomıkalyq seriktesi. Elderimiz arasynda joǵary saıası deńgeıde ashyq jáne senimdi dıalog ornaǵan. Birlesken kúsh-jigerimizben yntymaqtastyǵymyzdy damýdyń sapaly jańa satysyna kóteretinimizge senimdimiz»,-dedi.
Birlesken ınvestıtsııalyq qor qurý jáne taý-ken ónerkásibi, aýyl sharýashylyǵy, densaýlyq saqtaý jáne týrızm salasyndaǵy birqatar iri ınvestıtsııalyq jobalardy iske asyrý máseleleri, sondaı-aq memlekettik-jekemenshik áriptestik sheńberindegi jobalar Muhtar Tileýberdi bastaǵan qazaqstandyq delegatsııa ókilderiniń «Qatar Investment Authority» Katar ınvestıtsııalyq qorynyń Basqarma tóraǵasy Mansur ál-Mahmýdpen kezdesýleri kezinde, sondaı-aq Qazaqstan delegatsııasynyń basshysy Muhtar Tileýberdi bastaǵan qazaqstandyq delegatsııa ókilderiniń Katar bıznesmenderi qaýymdastyǵynyń tóraǵasy, «Faisal Holding» basshysy Sheıh Feısal ben Qasym ál-Tanı jáne «Power International Holding» Basqarma tóraǵasy Mýtaz Ál-Haııatpen kezdesti.
Sondaı-aq, QR SІM Investıtsııalar komıtetiniń tóraǵasy Ardaq Zebeshev pen «KAZAKH INVEST» UK» AQ Basqarma tóraǵasy Meıirjan ıÝsýpov sapar aıasynda katarlyq kompanııalardyń basshylarymen birqatar kezdesýler ótkizdi. Meıirjan ıÝsýpov Katardaǵy seriktesterge Qazaqstannyń ınvestıtsııalyq tartymdylyǵy týraly egjeı-tegjeıli aıtyp berdi jáne aýyl sharýashylyǵy, qurylys, týrızm jáne t. b. salalardaǵy ınvestıtsııalyq yntymaqtastyq jobalaryn iske asyrý múmkindikterin talqylady.
Atap aıtqanda, Mýbárák Rashıd Ál-Sahýtımen («Hassad Food» kompanııasy) jáne onyń «Widam Food» enshiles kompanııasynyń basshysy Alnýbaı Ál-Marrımen kezdesýde strategııalyq ornalasýy, turaqty saıası júıesi jáne aýyl sharýashylyǵy sektoryndaǵy aıryqsha áleýeti bar Qazaqstan Katar azyq-túlik naryǵy úshin senimdi jetkizýshi rólin atqara alatyndyǵy atap ótildi.
«Widam Food Company» kompanııasy joǵary sapaly etti kóterme jetkizýshi jáne óndirýshi bola otyryp, jetkizilim tizbegin kóp deńgeıli josparlaý, aýyl sharýashylyǵyna jahandyq ınvestıtsııalar, jergilikti óndiristi qoldaý jáne strategııalyq Halyqaralyq seriktestik arqyly búkil álemniń et jetkizilimin qamtamasyz etýde mańyzdy ról atqarady.
Katar men Qazaqstan arasyndaǵy ózara tıimdi yntymaqtastyqtyń ózekti máseleleri «Al-Fardan group» holdınginiń bas dırektory Omar Hýssaın Ál-Fardanmen kelissózder barysynda talqylandy. Bul holdıng qurylys, avtomobıl jasaý, qonaq úı bıznesi, teńiz jáne ınvestıtsııalyq salalardaǵy kásiporyndardy qamtıdy.
«KAZAKH INVEST» UK» AQ basshysy Meıirjan ıÝsýpov Qazaqstannyń iri sheteldik ınvestorlar úshin joǵary tartymdylyǵyn saqtap otyrǵanyn atap ótti. Sonymen qatar, ol Qazaqstan Katarmen ınvestıtsııalyq yntymaqtastyqty tereńdetýge úmit artyp otyrǵanyn jáne bolashaq jobalar aıasynda odan ári jan-jaqty qoldaý kórsetýge daıyn ekenin atap ótti.
