Qazaqstan qashan lıtıı ken ornyn ıgere bastaıdy

ASTANA. KAZINFORM – Energetıka vıtse-mınıstri Erlan Aqparov Shyǵys Qazaqstan oblysyndaǵy lıtıı ken oryndary qashan ıgerile bastaýy múmkin ekenin aıtty.

– Shyǵys Qazaqstan oblysynd 3-4 lıtıı ken orny bar. Qazir jer qoınaýyn paıdalanýshylar aınalysyp jatyr. Onyń ishine koreılik KIGAM kompanııasy otandyq kásipkerlermen birlesip, osy baǵytta jumystaryn jalǵastyrǵysy keledi, - dedi vıtse-mınıstr elordada ótip jatqan GECA 2026 halyqarlyq geologııalyq forýmy aıasynda agenttik tilshisiniń saýalyna oraı. 

Onyń málimetinshe, elimizde Baken, Maralýshenskoe jáne basqa da ken oryndarynda lıtıı anyqtalǵan. Munan ózge de ken oryndarynda otandyq kompanııalar koreı jáne nemis kompanııalarymen geologııalyq zertteý jumystaryn júrgizip jatyr. 

– Áli tolyq zerttelgen joq. Belgileri baıqalady, resýrstyq bazany arttyrýǵa jaqsy áleýet bar. Qazir otandyq kompanııalar sonymen aınalysyp jatyr, - dedi ol.

Sonymen qatar vıtse-mınıstr elimizde qashan lıtıı ken oryndary ıgerile bastaýy múmkin ekendigin aıtty. 

– Bul bızneske, olardyń geologııalyq barlaý jumystaryn qanshalyqty jyldam júrgizetine baılanysty. Bizdiń jaǵdaıda 5-6 jyl dep josparlap otyrmyz. Ádette geologııalyq jumystan bastap, qandaı da bir nátıje alǵanǵa deıin 5-6 jyl ketedi. Eger bıyl naqtylanǵan jaǵdaıda, onda kelesi jyldan bastaı alamyz, - dedi Erlan Aqparov. 

Ol Shyǵys Qazaqstan oblysynan bólek Aral óńirinde de lıtııdiń mol qory bolýy múmýin ekenin atap ótti. 

Ótken jyly elimizde munaı, gaz, kómir, ýran, lıtıı jáne altyn qanshadan satylyp jatqanyn jazǵan edik.