Qazaqstan Ispanııada ECAC–ICAO EUR/NAT vorkshopyna qatysty
ASTANA. KAZINFORM – Qazaqstan avıatsııalyq oqıǵalardan zardap shekkender men olardyń otbasylaryna qoldaý kórsetý máseleleri boıynsha ECAC–ICAO EUR/NAT vorkshopyna qatysty. Bul týraly Azamattyq avıatsııa komıteti málimdedi.
Madrıdte (Ispanııa) avıatsııalyq oqıǵalardan zardap shekkenderge jáne olardyń otbasylaryna kómek kórsetý máselelerine arnalǵan ECAC–ICAO EUR/NAT «Supporting air accident victims and their families through Family Assistance Plans» óńirlik semınary ótti. Atalǵan is-sharaǵa Qazaqstannyń avıatsııalyq ákimshiliginiń, Air Astana, Almaty halyqaralyq áýejaıynyń ókilderi qatysty. Semınarǵa memleketterdiń ýákiletti organdary, avıatsııalyq ákimshilikter, áýekompanııalar, áýejaılar jáne zardap shekkender otbasylarynyń qaýymdastyqtaryn qosa alǵanda, 70-ten astam qatysýshy jınaldy.
Іs-shara barysynda halyqaralyq úzdik tájirıbeler, burynǵy avıatsııalyq oqıǵalardan alynǵan sabaqtar, sondaı-aq zardap shekkender men olardyń otbasylaryn qoldaýda memleket pen avıatsııa salasynyń róli talqylandy.
Qazaqstandyq spıkerler – Qazaqstannyń avıatsııalyq ákimshiliginiń formaldylyqty ońaılatý departamentiniń dırektory Vsevolod Kım, «Air Astana» AQ-nyń Tótenshe jaǵdaılarda árekettený jónindegi sýpervaızeri Tolǵanaı Abdýllaeva, «Almaty halyqaralyq áýejaıy» AQ-nyń operatsııalyq qyzmet kórsetý departamentiniń dırektory Qaırat Jumataev baıandama jasady.
Sarapshylar qazaqstandyq mamandardyń jumysyn joǵary baǵalap, usynylǵan materıaldardyń praktıkalyq mańyzdylyǵyn jáne zardap shekken otbasylarǵa kómek kórsetý barysynda áýejaılar men áýekompanııalar arasyndaǵy ózara is-qımyldy talqylaýǵa qosqan úlesin atap ótti.
Qazaqstan óńirlik deńgeıde Family Assistance Plans júıesin damytýǵa qatysýdy jáne úzdik tájirıbelermen almasýdy jalǵastyrady.
Qyzylordada ótken V Ulttyq quryltaıda logıstıka jáne júkterdi áýe kóligimen tasymaldaý máselesi de talqylanǵan bolatyn. Qazaqstan Eýrazııadaǵy aldyńǵy qatarly avıatsııalyq habqa aınalý muratyna qalaı jete alady? Kazinform tilshici osy máselege qatysty sarapshylar pikirin surap bildi.