Qazaqstan ydys-áınek jýǵysh suıyqtyqty kóbirek óndire bastady

ASTANA. KAZINFORM - 2023 jyldyń qańtar-qarasha aılarynda Qazaqstanda jýǵysh zattardy óndirý 2022 jyldyń sáıkes kezeńimen salystyrǵanda 25,9% ósti. Joǵaryda atalǵan taýardyń 18,3 myń tonnasy óndirildi.

Sondaı-aq, jýǵysh zattardyń ımporty 32,1% ósti.

Máselen, ótken jyldyń 11 aıynda 162,6 myń tonna ónim ımporttaldy (123,1 myń tonna — 2022 jylǵy qańtar- qarasha).

Syrttan ákelingen ónimniń naryqtaǵy úles salmaǵy — 89,9%.

Bul rette atalǵan ónimderdiń eksporty 26,2% ósti.

Ótken jyldyń qańtar-qarasha aılarynda 19 myń tonna jýǵysh zat eksporttalǵan.

Ótken jyldyń 11 aıynda ishki naryqta 161,9 myń tonna ónim satyldy, bul bir jyl burynǵydan 32,1 paıyzǵa artyq.