Qazaqstan Halyq partııasy aldaǵy saılaýǵa Qasym-Jomart Toqaevtyń kandıdatýrasyn qoldady
Partııa tóraǵasy Ermuhamet Ertisbaev kezekten tys quryltaı Qazaqstan ǵana emes, sonymen qatar barsha adamzat taǵdyry úshin syndarly kezeńde ótip jatqanyn aıtty.
«Qazir ishki saıası oıyndar men talqylaýlar júrgizetin kezeń emes. Osy oraıda el birligi basty qundylyǵymyz bolyp otyr. Sondyqtan 1 qyrkúıekte Memleket basshysy halyqqa Joldaýynda QR prezıdentin kezekten tys saılaý týraly sheshimdi jarııalaǵan boıda, partııa aldaǵy osy naýqanǵa oraı saıası kúshterdiń ishinde birinshi bolyp Qasym-Jomart Toqaevtyń kandıdatýrasyn qoldady», - dedi E. Ertisbaev.
Bul turǵyda ol partııa el múddesin basshylyqqa alyp otyrǵanyn atap ótti. ıAǵnı álemdegi qazirgi kúrdeli kezeńde halyq pen eldiń múddesi, memlekettik turaqty damýy bárinen joǵary bolýy tıis.
«Búgingi sezdiń minberinen barlyq partııa men uıymdarǵa, respýblıkalyq qoǵamdyq birlestikterge Qazaqstan Halyq partııasynyń osy basty úndeýin nazarǵa alýǵa shaqyramyn», - dedi partııa tóraǵasy.
«Osyǵan deıin aıtqanymdaı, biz QR prezıdentin kezekten tys saılaýda Memleket basshysy Qasym-Jomart Toqaevtyń kandıdatýrasyn qoldaımyz», - dedi Ermuhamet Ertisbaev.
Sez barysynda delegattar QR prezıdentin kezekten tys saılaýda kandıdat retinde Qasym-Jomart Toqaevty usyný máselesin talqyǵa salyp, qoldaý kórsetti.
