Qazaqstan Gonkongtan statıstıka salasy boıynsha tájirıbe alýda

BEIJІŃ-GONKONG. QazAqparat - QR Ulttyq ekonomıka mınıstrligi Statıstıka komıtetiniń «Aqparattyq-esepteý ortalyǵy» respýblıkalyq memlekettik kásipornynyń delegatsııasy Gonkongqa jumys saparymen bardy, dep habarlaıdy Qytaıdaǵy «QazAqparat» tilshisi.

Qazaqstandyqtar Gonkong statıstıkasy jónindegi komıssarynyń kómekshisi, L.ıÝ. jáne Gonkongtyń halyq sanaǵy men statıstıkasy departamentiniń basshysy H.Vongpen kezdesti. Olar statıstıka salasyndaǵy qazirgi jetistiktermen, atapa aıtqanda:  makroekonomıkalyq, demografııalyq jáne áleýmettik statıstıka, aqparattyq tehnologııalardy paıdalaný, jumys protsesterindegi statıstıkalyq saýattylyq salalarymen tanysty.

QR delegatsııasy Gonkongtyǵy  áriptesterine Qazaqstandaǵy statıstıkalyq ónimdi jetildirý, bıznes protsesterin jańǵyrtý, halyq sanaǵyn daıyndaý men ótkizý kezindegi statıstıkalyq protsesterdi avtomattandyrý  jetistikteri týraly aıtyp berdi.

Kezdesýlerdi qorytyndylaı kele taraptar vedomstvolar  arasyndaǵy baılanystardy damyta otyryp statıstıkalyq saýattylyqty arttyrý, tájirıbe almasý, sondaı-aq mamandar úshin trenıngter uıymdastyrý týraly kelisimge qol jetkizdi.