Qazaqstan Global Innovation Index reıtınginde Ortalyq jáne Ońtústik Azııa elderi kóshbasshylarynyń úshtigine endi
ASTANA. KAZINFORM — 2024 jylǵy 26 qyrkúıek kúni Jenevada bedeldi halyqaralyq reıtıngtiń nátıjelerin jarııalandy. Jyl saıyn ótetin bul is-shara bıyl 17-shi ret uıymdastyrylyp otyr.
2007 jyldan bastap Global Innovation Index (WIPO) 133 eldiń kórsetkishterin 80 baǵyt boıynsha baǵalap keledi. Bul jerde ekonomıka men óndiristiń ósýine ınnovatsııalardyń yqpalyn qarastyrady. Reıtıng osy saladaǵy jańa strategııalardy ázirleý úshin mańyzdy ındıkator retinde qyzmet etedi.
Reıtıngte joǵary kórsetkishke ıe bolý iske asyrylyp jatqan memlekettik reformalardyń halyqaralyq deńgeıde baǵalanǵanyn kórsetedi. Sondaı-aq álemdik arenadaǵy bedeldi jaqsartýǵa jáne Qazaqstanǵa tikeleı ınvestıtsııalar tartýǵa yqpal etedi.
Saltanatty rásimge Dúnıejúzilik zııatkerlik menshik uıymynyń (WIPO) bas dırektory Darren Tang, Global Innovation Index birlesken redaktory Sacha Výnch Vınsent, memleketter jáne úkimetter basshylary, sonyń ishinde Túrkııa Respýblıkasynyń Prezıdenti Rejep Taııp Erdoǵan, Barbados Premer-mınıstri Mıa Amor Mottlı, Vetnam Sotsıalıstik Respýblıkasynyń Premer-mınıstri Fam Mın Chın, áleýmettik kásipkerlik jáne ınnovatsııa salasyndaǵy jetekshi sarapshylar qatysty.
Qazaqstan sapaly ósim kórsetip, jahandyq reıtıngte 81-orynnan 78-orynǵa kóterilip, Úndistan men Irannan keıin Ortalyq jáne Ońtústik Azııa kóshbasshylar úshtigine endi. «Memlekettik basqarýdyń tıimdiligi», «Zańnyń ústemdigi», «Oqý, matematıka jáne jaratylystaný ǵylymdary boıynsha PISA shkalasy», «Naryqtyń damýy», «Bıznesti júrgizý», «Tikeleı ınvestıtsııalardyń taza aǵyny, ІJÓ %» kórsetkishteri boıynsha ilgerileý baıqalady.
Reıtıngtegi eń úlken ósim «Kreatıvti taýarlar men qyzmetter» kórsetkishterinde boldy. Bul jerde 93-orynnan 65-orynǵa, «Ulttyq kórkem fılmder/mln adam» 61-orynnan 31-orynǵa jáne «Joǵarǵy deńgeıdegi domender (TLD)/myń adam» 115-ten 80-ge deıingi satylardan kórindi.
Reıtıng redaktorlary Qazaqstannyń myna ındıkatorlarmen álemniń úzdik 30 eline kirgenin erekshe atap ótti:
«Onlaın úkimet» — 8-oryn, «Shyǵý tegi boıynsha paıdaly modelder/mlrd. Satyp alý qabiletiniń parıteti boıynsha ІJÓ» — 10-oryn, «Elektrondyq qatysý» — 15-oryn, «Oqýshylar men muǵalimderdiń ara qatynasy, orta bilim» — 16-oryn, «Eńbek ónimdiliginiń ósýi, %» — 30-oryn.
Global Innovation Index-te Qazaqstannyń reıtıngin arttyrýǵa Qazaqstan Respýblıkasy Prezıdentiniń ǵylym jáne ınnovatsııalar máseleleri jónindegi keńesshisi K. D. Zakarııanyń basshylyǵymen múddeli memlekettik organdar sanynan Qazaqstan Respýblıkasy Prezıdenti Ákimshiligi janyndaǵy Jobalaý ofısiniń jumysy yqpal etti.
2024 jylǵy 4 qazan kúni Dúnıejúzilik zııatkerlik menshik uıymynyń (WIPO) qoldaýymen Qazaqstan Respýblıkasynda alǵash ret Azııa elderi úshin Global Innovation Index 2024 esebin jarııalaýdyń óńirlik rásimi ótedi.
Іs-sharaǵa Azııa elderiniń ınnovatsııa mınıstrleri men patenttik vedomstvolarynyń basshylary, sondaı-aq dıplomatııalyq korpýstyń, halyqaralyq uıymdardyń jáne múddeli úkimettik emes uıymdardyń ókilderi qatysady.
Dúnıejúzilik zııatkerlik menshik uıymy (UN WIPO) — Birikken Ulttar Uıymynyń 15 mamandandyrylǵan mekemesiniń biri, onyń qyzmeti shyǵarmashylyq qyzmetti yntalandyrýǵa jáne zııatkerlik menshikti (IP) halyqaralyq qorǵaýǵa yqpal etýge baǵyttalǵan. WIPO taýar belgileri men patentterdi halyqaralyq tirkeýdi jeńildetedi.
Jahandyq ınnovatsııalyq ındeks — ınnovatsııalardyń elderdiń damýyna áserin anyqtaý boıynsha álem elderiniń aýqymdy ekonomıkalyq zertteýi. Halyqaralyq reıtıng 2007 jyldan beri 80 túrli kórsetkish boıynsha álemniń 133 elin baǵalaıdy.
Bul ındekstiń ósýiniń mańyzy ony Qytaı, Sıngapýr, BAÁ, Túrkııa jáne t. b. elderdiń úkimettik strategııalaryna engizý arqyly anyqtalady.
