Qazaqstan Glazgo sammıtinde jańa mindettemelerge qosyldy – Ekologııa mınıstri
«Qazaqstan 2030 jylǵa deıin parnıktik gaz shyǵaryndylaryn 1990 jylǵy deńgeıden 15 paıyzǵa qysqartýǵa nıetti. 2019 jyly parnıktik gazdardyń ulttyq shyǵaryndylary 1990 jylǵy deńgeıden 2,4 paıyzǵa tómen. Qazir qazaqstandyq delegatsııa klımattyń ózgerýi boıynsha Glazgoda ótip jatqan sammıttiń 26-sessııasyna belsendi qatysýda. Atap aıtqanda, 26-y SOR sheńberinde Qazaqstan «Orman jáne jerdi paıdalaný» deklaratsııasyna jáne de Bilim men jastardy tartý mindettemesine qosyldy», - dedi mınıstr Úkimet otyrysynda.
Mınıstrdiń aıtýynsha, álemde klımattyń ózgerýi boıynsha negizgi trendter baıqalýda. Máselen, iri qarjy ınstıtýttary taza jasyl tehnologııalardyń paıdasyna kómirmen baılanysty jobalardan tolyǵymen bas tartty. Kómirtektik beıtaraptyq maqsattary jáne sáıkesinshe kómirden bas tartý týraly málimdegen elderdiń sany jyl saıyn ósýde.
«2026 jyldan bastap Eýropalyq odaq kómirtekti kóp qajet etetin ónimder ımportyna shekti kómirtegi salyǵyn engizýdi josparlady. Qazaqstannyń JІÓ kómirtegi joǵary syıymdylyǵyn eskere otyryp, atalǵan salyq bizdiń ekonomıkaǵa aıtarlyqtaı áserin tıgizedi. Osyǵan baılanysty Memleket basshysy málimdegen kómirtektik beıtaraptyqqa qol jetkizý baǵytyn iske asyrý maqsatynda «Kómirtegi beıtaraptyǵyna qol jetkizýdiń 2060 jylǵa deıingi Strategııasy» jobasy ázirlendi. Onda eki stsenarıı bar: bazalyq jáne kómirtektik beıtaraptyq. Aldyn ala eseptemelerge sáıkes, kómirtegi beıtaraptyǵy stsenarııi shyǵaryndylardy 2060 jylǵa qaraı 98 paıyzǵa qysqartýǵa múmkindik beredi. Strategııany ázirleý jumysy jalǵasýda», - dep atap ótti S. Brekeshev.
Budan basqa, Parıj kelisiminiń maqsatyna jetý úshin ulttyq deńgeıde anyqtalǵan salymdardy (UDAS) jańartý jumystary aıaqtaldy. Barlyq negizgi sektorlar úshin parnıktik gaz shyǵaryndylaryn azaıtýdy kózdeıtin sharalardyń jol kartasy ázirlendi. Qujat memlekettik organdarda kelisý satysynda.
