«Qazaqstan GAJ ortalyǵy» AQ aqparattyq qaýipsizdik jóninde konferentsııa ótkizedi

ASTANA. QazAqparat - Aqparattyq qaýipsizdik mamandary, IT ázirleýshiler, hakerler, memlekettik organdardyń ókilderi Almaty qalasyndaǵy Kıbershabýyldy (TsARKA) jáne PACIFICA taldaý jáne tergeý ortalyǵymen birlesip  «Qazaqstan GAJ ortalyǵy» AQ-tyń basshylyq etýimen «Kaz Hack Stan» aqparattyq qaýipsizdik máseleleri jónindegi alǵashqy praktıkalyq konferentsııada bas qosady.

Zamanaýı áskerı qaqtyǵystarda aqparattyq basqarý júıeleri men kıberkeńistikti qorǵaý qajettiligi beleń alǵan jaǵdaıda bul salada jetkilikti sanda mamandardy daıyndaý qajettiligi týyndap otyr.

Qorǵanys mınıstrliginiń oqý oryndary men azamattyq JOO-lardyń áskerı kafedralarynda qazaqstandyq armııanyń tıisti bólimshelerine arnalǵan mamandar oqytylýda. Aqparattyq keńistikti qorǵaý qarýly kúshter úshin ǵana emes, sonymen birge, ónerkásiptiń basqa da salalary men qoǵamnyń óndiristik tynys-tirshiliginde ózekti ekendigin eskere otyryp, bilikti mamandar jetispeıdi. Dál osy sebepten «Kaz Hack Stan» konferentsııasynyń uıymdastyrýshylary jaǵdaıdy jaqsy jaqqa ózgertýge nıettenip otyr.

«Biz qatysýshylardyń zamanaýı tehnologııalar men aspaptar týraly jaǵa bilim alýlary úshin konferentsııany praktıka júzinde ótkizý, sondaı-aq atalmysh konferentsııanyń Qazaqstanda uıymdastyrylatyn ózge is-sharalardan negizgi erekshelikteri jarnamalyq kontentti túp tamyrymen joıý maqsatyn dittegen bolatynbyz», - deıdi alda ótetin is-shara týraly «Qazaqstan GAJ ortalyǵy» AQ prezıdenti Áıgerim Stambekova.

Konferentsııa praktıkalyq turǵyda ótetinin aıta ketý qajet. Sondyqtan uıymdastyrýshylar baıqaý qarastyryp otyr. Onda saıysqa qatysýshylar jeke dara nemese komanda quramynda osaldyqty aıqyndaý jáne ári qaraı joıý úshin tolyqqandy ınfraqurylymmen alyp shahardyń aqparattyq modeline shabýyl jasap kóredi. Buny ózgelerden jaqsyraq ári tıimdirek jasaǵandar shara uıymdastyrýshylary men olardyń seriktesterinen júldege ıe bolady.