Qazaqstan ǵalymdary súıekti qalpyna keltiretin bıomaterıal jasady
Bilim jáne ǵylym mınıstrliginiń Janý problemalary ınstıtýtynyń ǵalymdary jasap shyǵarǵan súıekti almastyratyn materıal sheteldik analogtardan úsh ese arzan. Búginde otandyq kompanııalar taýardyń alǵashqy partııasyn satyp alǵan.
Bul materıal súıek aqaýlaryn qalpyna keltirýde, súıek zaqymdalǵan jaralarda, synyqtarda, plastıkalyq hırýrgııada, ıaǵnı bet súıekteriniń plastıkalyq hırýrgııasynda jáne tisterdi ımplantatsııalaýda qoldanylady.
«Bıologııalyq shıkizattan gıdroksıapatıt termııalyq óńdeý, kúıdirý, arnaıy hımııalyq reaktsııalar júrgizý jáne posttermııalyq kúıdirý arqyly alynady. Bizdiń modıfıkatsııa barlyq ádisti alýdy jaqsartý arqyly ýaqytty ulǵaıtý esebinen, joǵary temperatýra rejımin tańdaý jáne taǵy basqasynyń esebinen júzege asyrylady. Nátıjesinde biz jaqsartylǵan krıstaldyq qurylymy jáne ónimniń tazalyǵy joǵary (95%) sapaly materıal aldyq. Sheteldik kompanııalar osyndaı joǵary sapaly IAÓ-niń (ıkemdi avtomattandyrylǵan óndiris) 1 gramyn shamamen 32 myń teńgege satady. Al bizdiń materıaldyń baǵasy 1 gramy úshin 10 myń teńge», – deıdi QR BǴM Janý máseleleri ınstıtýtynyń ǵalymy Zulqaıyr Mansurov.
Qazir hımııa ǵylymdarynyń doktory, professor Z.A. Mansurov medıtsına ǵylymdarynyń doktory, QR Densaýlyq saqtaý mınıstrligi QazMÚBBÝ stomatologııa kafedrasynyń professory M.A. Temirbaevpen birlesip alynǵan mıneraldy is júzinde qoldaný jumystaryn jalǵastyryp jatyr.
«Gıdroksıapatıtpen qaptalǵan ımplantattar keri reaktsııa týdyrmaıdy jáne saý súıek tinimen belsendi túrde baılanysyp, regeneratsııa men ońaltý protsesin jedeldetý qabiletine ıe ekenin atap ótken jón. Bizdiń otandyq joǵary sapaly gıdroksıopatıt ımporttyq materıaldardy ońaı almastyra alady», - dep túsindirdi Zulqaıyr Mansurov.
Júrgizilgen zertteýlerdiń nátıjeleri boıynsha QR BǴM KOKSON jáne Scopus ındekstelgen derekter qorynda ǵylymı jumystar jarııalandy. Bul zertteý jumysynyń senimdiligi men ózektiligin kórsetedi.
Ǵylymı jumys QR BǴM-nyń granttyq qarjylandyrýy aıasynda júzege asyrylǵan.
