Qazaqstan fýtzal quramasy FIFA reıtınginde qaı orynda tur
ASTANA. KAZINFORM — Halyqaralyq fýtbol qaýymdastyǵy federatsııasy (FIFA) fýtzaldan álemniń erler quramalary arasyndaǵy reıtıngti jarııalady.
Bul reıtıngte Qazaqstan quramasy segizinshi orynda keledi. Al Ýkraına bir satyǵa tómendep, toǵyzynshy orynǵa taban tiredi.
Reıtıngte kósh basynda Brazılııa kele jatsa, odan keıingi oryndarda Portýgalııa men Ispanııa tur.
Sondaı-aq alǵashqy ondyqqa Argentına, Iran, Marokko, Reseı, Frantsııa engizilgen.
Aıta ketsek, FIFA kúntizbesine sáıkes fýtzaldan 5-15 sáýir aralyǵynda oqý-jattyǵý jıynyn uıymdastyrdy. Kakaý bastaǵan otandastarymyz oqý-jattyǵý jıyny aıasynda Aqtaý qalasynda Ázerbaıjan quramasymen 13 jáne 15 sáýir kúnderi eki joldastyq matchta sheberlik baıqasty.
Alǵashqy oıynda otandastarymyz 9:2 esebimen jeńse, odan keıin atalǵan qarsylasyn 4:2 esebimen tize búktirdi.
Aıta ketsek, el quramasy 2026 jylǵy Eýropa chempıonatynda óz tobynda ekinshi oryndy mise tutty.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Odan keıin pleı-off satysynda otandastarymyz Italııa quramasyna (2:1, 2:3, penaltıden 0:1) jol berdi.
