Qazaqstan fýtbolynyń ardageri Sergeı Rojkov ómirden ótti
ASTANA. KAZINFORM — 84 jasqa qaraǵan shaǵynda qazaqstandyq fýtbol ardageri, «Qaırat» klýbynyń burynǵy shabýylshysy Sergeı Rojkov qaıtys boldy.
Sergeı Rojkov «Qaırat» sapynda 1966–1967, 1970–1973 jáne 1975–1976 jyldary óner kórsetti. Almaty klýbynyń quramynda ol 203 match ótkizip, 25 gol soqty. Komanda kapıtany bolǵan Rojkov óz býynynyń eń jarqyn fýtbolshylarynyń biri sanaldy.
1971 jyly Rojkov «Qaıratpen» birge Halyqaralyq temirjolshylar sport odaǵy kýbogynyń ıegeri atandy. Sergeı Rojkov KSRO sport sheberi, 1969 jylǵy KSRO chempıony, KSRO kýbogynyń eki dúrkin ıegeri boldy. Sondaı-aq KSRO quramasy sapynda bir match ótkizgen.
— Sergeı Egorovıch klýbymyzdyń jáne qazaqstandyq fýtboldyń tarıhynda eleýli iz qaldyrdy. «Qaırat» fýtbol klýby marqumnyń týǵan-týystary men jaqyndaryna, dostaryna, burynǵy komandalastaryna jáne Sergeı Egorovıchti tanyǵan barsha janǵa kóńil aıtady, — dep málimdedi «Qaırat» FK baspasóz qyzmeti.
Eske salaıyq, jyl basynda «Qaırat» klýby men Qazaqstan quramasynyń burynǵy fýtbolshysy Marat Esmuratov ta ómirden ótken edi.
