Qazaqstan Elshisi Úndistan Prezıdentine senim gramotasyn tabystady

NUR-SULTAN. QazAqparat - Qazaqstan Elshisi Nurlan Jalǵasbaev Úndistannyń Prezıdenti Ram Nath Kovındke senim gramotasyn tabystady, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Úndistandaǵy epıdemıologııalyq jaǵdaıdy eskere otyryp, onlaın formatta ótken rásim barysynda úndi memleketiniń basshysy qazaqstandyq dıplomatty qyzmetke taǵaıyndalýymen quttyqtap, onyń osy laýazymdaǵy jumysy eki memleket arasyndaǵy strategııalyq seriktestikke negizdelgen ózara tıimdi qatynastardyń údemeli odan ári damýyna yqpal etetinine senim bildirdi.

Rásimnen keıingi suhbatta taraptar ekijaqty jáne kópjaqty formattaǵy saıası dıalogtyń joǵary deńgeıin atap ótip, saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyqty arttyrý múmkindikteri týraly pikir almasty.

Kezdesý sońynda Ram Nath Kovınd Prezıdent Qasym-Jomart Toqaevqa izgi tilekterin jetkizdi, sondaı-aq jańa Elshige Qazaqstan men Úndistan arasyndaǵy qarym-qatynastardy odan ári nyǵaıtýda sáttilik tiledi.