Qazaqstan Elshisi NATO ókilimen kezdesti

NUR-SULTAN. QazAqparat - Qazaqstannyń Belgııadaǵy Elshisi Marǵulan Baımuhan NATO Kavkaz jáne Ortalyq Azııa boıynsha Bas hatshysynyń Arnaıy ókili Haver Kolomınamen kezdesti. Bul týraly QazAqparat SІM silteme jasap habarlaıdy.

Áńgime barysynda Arnaıy ókil Qazaqstandaǵy tártipsizdikter barysynda qaza tapqandarǵa kóńil aıtty. Qazaqstandyq dıplomat H.Kolomınany Qazaqstandaǵy sońǵy oqıǵalardyń sebepteri men saldary, sondaı-aq halyqtyń qaýipsizdigin qamtamasyz etý jáne eldegi qalypty ómirdi qalpyna keltirý boıynsha memleket qabyldaǵan sharalar týraly egjeı-tegjeıli habardar etti. Qazaqstan bıligi muqııat jáne tolyqqandy tergeý júrgizip jatqany, ári onyń nátıjeleri álemdik qoǵamdastyqqa usynylatyny málimdeldi.

M.Baımuhan Prezıdent Qasym-Jomart Toqaevtyń jańadan qurylǵan Úkimetiniń aldyna qazaqstandyqtardyń sapaly ómir súrý jaǵdaılaryn jáne eldiń odan ári tabysty damýyn qamtamasyz etý jóninde naqty mindetter qoıǵanyn atap ótti.

Sonymen qatar, taraptar «Bir seriktes – bir jospar» tujyrymdamasy aıasyndaǵy ekijaqty yntymaqtastyqtyń jaı-kúıi men perspektıvalaryn, sondaı-aq Aýǵanstandaǵy jaǵdaıdy qosa alǵanda, jahandyq jáne óńirlik qaýipsizdiktiń ózekti máselelerin talqylady.