Qazaqstan Elshisi NATO Bas hatshysyna senim gramotalaryn tabystady

NUR-SULTAN. QazAqparat - Qazaqstannyń Soltústik Atlantıkalyq Shart Uıymy (NATO) janyndaǵy Ókildiginiń basshysy, Belgııadaǵy Elshisi Marǵulan Baımuhan NATO-nyń Bas hatshysy Iens Stoltenbergke senim gramotalaryn tapsyrdy.

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Resmı rásimnen keıingi kezdesý barysynda taraptar Qazaqstannyń NATO-men yntymaqtastyǵynyń qazirgi ahýaly men keleshegin, sondaı-aq halyqaralyq jáne óńirlik qaýipsizdiktiń ózekti máselelerin talqylady. Sondaı-aq, «Bir seriktes – bir jospar» tujyrymdamasy aıasynda Qazaqstan men NATO arasyndaǵy 2022–2025 jyldarǵa arnalǵan jańa Beıimdelgen seriktestik baǵdarlamasyna baılanysty máseleler qozǵaldy. Budan bólek, taraptar Aýǵanstandaǵy jaǵdaı jáne aýǵan halqyna gýmanıtarlyq kómek kórsetý jónindegi yqtımal sharalar týraly pikir almasty.

Otandyq dıplomat NATO-nyń Bas hatshysyna Qazaqstannyń halyqaralyq qaýipsizdikti nyǵaıtýǵa qosqan úlesi týraly, atap aıtqanda, «BUU-nyń Lıvandaǵy ýaqytsha kúshteri» (UNIFIL) mıssııasyna qatysý úshin Qazaqstannyń bitimgershilik rotasynyń 120 áskerı qyzmetshisin Lıvanǵa jiberý týraly aıtyp berdi.