Qazaqstan elshisi Qatardyń saýda jáne ónerkásip mınıstrimen kezdesti

NUR-SULTAN. QazAqparat - Qazaqstannyń Elshisi Arman Isaǵalıev Qatardyń saýda jáne ónerkásip mınıstri, Qazaqstan-Qatar joǵary deńgeıli komıssııasynyń teń tóraǵasy Álı ben Ahmad Ál-Kaýarımen kezdesý ótkizdi, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Kezdesý barysynda taraptar ekijaqty saýda-ekonomıkalyq jáne ınvestıtsııalyq yntymaqtastyqtyń keń aýqymdy máselelerin, sonyń ishinde Qatar Ámiriniń Nur-Sultanǵa memlekettik saparyn uıymdastyrý, tikeleı áýe reısterin ashý, sondaı-aq eki el arasyndaǵy taýar aınalymyn arttyrý máselelerin talqylady.

Sonymen qatar, ekijaqty ózara is-qımyldyń basym baǵyttaryn jáne Qazaqstan aýmaǵynda perspektıvalyq ınvestıtsııalyq jobalardy iske asyrýdy talqylaý úshin QR Premer-Mınıstriniń birinshi orynbasary - ÚAK teń tóraǵasy Álıhan Smaıylov bastaǵan qazaqstandyq delegatsııanyń Dohaǵa aldaǵy saparynyń keıbir aspektileri qaraldy.