Qazaqstan Elshisi Izraıldiń Bas Ashkenazı ravvınimen kezdesti

NUR-SULTAN. QazAqparat - Qazaqstan Elshisi Satybaldy Burshaqov Izraıldiń Bas Ashkenazı ravvıni Davıd Laýmen kezdesti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Dıplomat Bas ravvındi evreı halqynyń jańa jylymen jáne Sýkkot meıramymen quttyqtady. Ol D.Laýǵa Álemdik jáne dástúrli dinder lıderleri Sezine qoldaý kórsetkeni úshin rızashylyǵyn bildirip, Nur-Sultan qalasynda 5-6 qazanda ótetin Sez hatshylyǵynyń aldaǵy XIX otyrysynyń kún tártibimen tanystyrdy.

Sonymen qatar, Bas Ashkenazı ravvıni Prezıdent Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynyń negizgi baǵyttary týraly habardar etildi.

Dinı lıderler seziniń negizgi maqsattaryn joǵary baǵalap, D. Laý Qazaqstan elordasynda bas qosatyn forým búkil álemniń dinbasylaryna jáne olardyń ókilderine eń ózekti jáne kúrdeli máselelerdi ashyqtyq, toleranttyq, ózara qurmet atmosferasynda talqylaýǵa múmkindik beretinin atap ótti.