Qazaqstan Elshisi Belgııa Koroline senim gramotalaryn tapsyrdy

BRıÝSSELЬ. QazAqparat - Qazaqstan Elshisi Marǵulan Baımuhan Belgııa Koroli Fılıppke senim gramotalaryn tapsyrdy. Bul týraly QR Syrtqy ister mınıstrliginen málim etti, dep habarlaıdy QazAqparat.

«Korol saraıyndaǵy aýdıentsııa barysynda qazaqstandyq dıplomat suhbattasýshyǵa Prezıdent Qasym-Jomart Toqaev pen Tuńǵysh Prezıdent - Elbasy Nursultan Nazarbaevtyń jyly lebizderin jetkizdi.

Elshi Prezıdent Q.Toqaev bastaǵan saıası jáne ekonomıkalyq reformalar, Qazaqstannyń halyqaralyq bastamalary týraly aıtty, sondaı-aq Korol Fılıpppen jáne onyń ákesi Korol Albert II-men jyly dostyq qatynasta bolǵan N. Nazarbaevtyń Qazaqstan-belgııa yntymaqtastyǵyn qalyptastyrýdaǵy tarıhı rólin atap ótti», - delingen SІM málimetinde.

Óz kezeginde, Korol Fılıpp Prezıdent Q. Toqaev pen Elbasy N. Nazarbaevqa jáne barsha qazaqstandyqtarǵa ıgilik tilegen.

Budan bólek, taraptar Qazaqstan men Belgııa arasyndaǵy saıası, saýda-ınvestıtsııalyq yntymaqtastyqtyń negizgi máselelerin talqylady, pandemııamen kúresý jáne halyqty egý tájirıbesimen bólisti. Sonymen qatar aýyl sharýashylyǵy, energetıka jáne jańartylatyn energııa kózderi salalaryndaǵy yntymaqtastyq perspektıvalaryn atap ótti.