Qazaqstan demalysqa qolaıly top-10 eldiń qataryna endi

ASTANA. QazAqparat - Qazaqstan tanymal Curly Tales saıtynyń nusqasy boıynsha demalysqa qolaıly TOP-10 eldiń qataryna endi, dep habarlaıdy QazAqparat.

Mádenıet jáne sport mınıstrliginiń málimetinshe, Curly Tales – food, travel, experiences & lifestyle saıty qazirgi zamanǵy kóshpendiler taqyrybyna arnalǵan platforma.

Saıtta týrısterge osy aıda barýǵa keńes beretin elder bar.

Qazaqstannan basqa, bıýdjettik baǵyttardyń reıtıngine Túrkııa, Grýzııa, Egıpet, Vetnam, Laos, Kenııa jáne basqa elder kirgen.

Reıtıng avtorlary týrısterge, mysaly, Sharyn shatqalyna baryp, kanonnyń sulýlyǵyn tamashalaýdy usynady.

Esterińizge sala keteıik, osynyń aldynda tanymal brıtandyq Condé Nast Traveller jýrnalynda jaryq kórgen The most breathtaking places to visit in Kazakhstan atty maqalada bizdiń elimizde saıahattaýdyń negizgi baǵyttary týraly jazǵan bolatyn.