Qazaqstan delegatsııasy BUU Bas Assambleıasynyń 76-shy sessııasyna qatysýda
BUU BA aǵymdaǵy sessııasynyń taqyryby «Jaqsylyqqa senimmen ómirge tózimdilikti nyǵaıtý». Kún tártibindegi negizgi máseleler COVID-19 pandemııasymen kúres, jahandyq qaýipsizdik pen turaqtylyq, ornyqty damý, sondaı-aq klımattyń ózgerýi máseleleri boldy. Aýǵanstandaǵy jaǵdaıǵa erekshe nazar aýdarylatyn bolady.
Sessııa sheńberinde joǵary deńgeıdegi birqatar is-sharalar, onyń ishinde Azyq-túlik júıeleri jónindegi sammıt, Energetıka jónindegi joǵary deńgeıdegi dıalog, COVID-19 jónindegi Jahandyq sammıt, Teńizge shyǵa almaıtyn damýshy elder tobyna múshe memleketterdiń mınıstrlik kezdesýi, ıAdrolyq synaqtarǵa jan-jaqty tyıym salý týraly sharttyń kúshine enýine járdemdesý jónindegi mınıstrlik konferentsııa ótedi.
Qazirgi sessııa gıbrıdti rejımde ótýde. Nıý-Iorkke 120-ǵa jýyq shet memleketterdiń ókilderi kelip, pikirtalastarǵa qatysady. Bas halyqaralyq minberden álemge 196 BUU-ǵa múshe elder jáne baıqaýshylardyń memleket, úkimet, syrtqy saıası vedomstvolarynyń basshylary men joǵary ókilderi sóz sóıleıdi. Qazaqstan Respýblıkasynyń atynan beıne úndeý formatynda Memleket basshysy Qasym-Jomart Toqaev sóz sóıleıdi.
Qazaqstannyń syrtqy saıası vedomstvosy basshysynyń baǵdarlamasynda birqatar ekijaqty kezdesýler men kópjaqty is-sharalarǵa qatysý josparlanǵan. Birinshi kúni Mınıstr M.Tileýberdi Lıtva syrtqy ister mınıstri Gabrıelıýs Landsbergıs, Sıngapýr Syrtqy ister mınıstri Vıvıan Balakrıshnan, Aýstrııa Syrtqy ister mınıstri Aleksandr Shallenberg, Sırııa Syrtqy ister mınıstri Feısal Mıkdad jáne Chernogorııa Syrtqy ister mınıstri Djordje Radýlovıchpen ekijaqty bólek kelissózder júrgizdi. Sonymen qatar, Mınıstr Aýstrııa Kantsleri Sebastıan Kýrts uıymdastyrǵan «Aýǵanstan halqyn, ásirese Aýǵanstan men óńirdegi áıelder men balalardy qorǵaý» Aýǵanstan boıynsha joǵary deńgeıdegi dóńgelek ústelge qatysty.
