Qazaqstan Coursera bilim berý reıtınginde 31 oryndy ıelendi
Ǵylym jáne joǵary bilim mınıstri Saıasat Nurbektiń málimetinshe, Qazaqstan jalpy álemdik esepte 31-oryndy ıelengen. Baıandamada Qazaqstanda bilim alýshylar tehnologııalyq daǵdylar boıynsha jetistikke jetip jatqany, Technology kórsetkishi 96% quraıtyny atap ótilgen.
«Reıtıng quraýshylar kelesi bilim sanattaryn qarastyrady:
Business – menedjment, kommýnıkatsııa, qarjy jáne býhgalterlik esep sııaqty bıznesti basqarýǵa qatysty daǵdylar;
Technology – ІT-júıeler men baǵdarlamalyq jasaqtamany qurý, qoldaý jáne masshtabtaý úshin qajetti daǵdylar;
Data Science – sheshimder qabyldaý úshin nemese ázirlenip jatqan ónimder men qyzmetterde kompanııalar jasaǵan bilimdi jınaý jáne paıdalaný daǵdylary.
2023 jyly zertteý bazasyn álemniń 100 elinen 124 mln stýdent qurady», - dep jazdy mınıstr.
Bul reıtıngtegi pozıtsııany arttyrýǵa QR Ǵylym jáne joǵary bilim mınıstrliginiń elimizdiń 25 joǵary oqý ornynyń bilim berý baǵdarlamalarynda 600-den astam kýrstardy engizý arqyly tsıfrlyq ekonomıka úshin 20 000 stýdent pen oqytýshyny daıarlaý jónindegi bastamasy yqpal etýde.
