Qazaqstan balalary qandaı kitaptardy jata-jastana oqyp júr

ASTANA. KAZINFORM — Qazaqstandaǵy jas oqyrmandar fantastıka, komıkster men kórkem ádebıet oqyǵandy unatady. 

Balalardy qorǵaý kúnine oraı Mádenıet jáne aqparat mınıstrligi 249 balalar kitaphanasy arasynda oqyrmandar suranysy boıynsha taldaý júrgizdi.

Bıyl jas oqyrmandar sany 1 733 686 adamǵa jetti.

Saýalnama nátıjesi boıynsha balalardyń kitaphanaǵa degen qyzyǵýshylyǵy artyp keledi, olar ásirese fantastıka, komıkster men kórkem ádebıet oqyǵandy unatady.

Eń kóp oqylatyn kitaptar — Berdibek Soqpaqbaevtyń «Balalyq shaqqa saıahat», «Meniń atym Qoja», Saıyn Muratbekovtiń «Jabaıy alma», Joan Roýlıńniń «Hárrı Potter» jáne Mark Tvenniń «Tom Soıer» shyǵarmalary boldy.

Baıanǵalı Álimjanov, Tolymbek Ábdiraıym, Zıra Naýryzbaeva, Serikbol Hasan, Zaýre Tórehan jáne basqa avtorlardyń shyǵarmalaryn balalar qyzyǵýshylyqpen oqyǵan.

Balalar súıip oqıtyn basylymnyń biri — komıkster.

Jas oqyrmandar Ularbek Nurǵalymulynyń «Іlııas pen Zańǵardyń plansheti», Orazhan Jaqyptyń «Erketaı», Іlııas ıÝsýftyń «Kereı men Jánibek» shyǵarmalaryn, sondaı-aq Maık Barfıldtiń «Komıkstegi álem tarıhy», «Komıkstegi jaratylystaný» aýdarmasyn unatady.

Qazaq ertegileri men álem halyqtarynyń ertegileri boıynsha «Qazaq jáne álem halqynyń ertegileri», «Avtorlyq ertegiler», «Alataý ertegileri» «Tańdaýly ertegiler», Charlz Perro men Aǵaıyndy Grımmderdiń ertegileri kóp suralady.

Aıta keteıik, Qazaqstandaǵy balalar kitaphanalarynyń qyzmeti balany tárbıeleýge, bilim berýge, aqparattandyrýǵa jáne tulǵalyq damytýǵa baǵyttalǵan.