Qazaqstan Ázerbaıjannan 2 parom satyp alady

ASTANA. KAZINFORM — «Samuryq-Qazyna» qory ázerbaıjandyq kompanııalarmen eki kelisimge qol qoıady. Bul týraly Aqordada atalǵan qordyń basqarma tóraǵasy Nurlan Jaqypov aıtty.

— Samuryq-Qazyna 2 qujatqa qol qoıady. Birinshisi AZCON holdıngimen. Bul kelisim boıynsha Orta dálizdi ary qaraı damytamyz. ıAǵnı, Orta dálizdiń áleýetin nyǵaıtamyz. Kelisimge sáıkes, eki tarap Baku Shipyard keme qurastyrý zaýytynyń paromdaryn Kaspıı teńizinde paıdalaný múmkindikterin pysyqtaıdy. Ekinshi kelisimge sáıkes, SK-AIH ınvestıtsııalyq qory SOCAR kompanııasymen jańartylǵan energııa kózderiniń, ıaǵnı jasyl jobalardyń qarjylyq ınvestory retinde qarastyrylady, — dedi ol. 

Qor basshysynyń aıtýynsha, «QazMunaıGazdyń» enshiles kompanııalarynyń biri Baku Shipyard-tan 2 parom satyp aldy. Bul paromdar 2027 jyldyń sońyna deıin Kaspıı teńizinde qatynaı bastaıdy.

— Munan bólek, «Samuryq-Qazyna» AZCON holdıngimen kelisim aıasynda basqa kemelerdi desatyp alý múmkindikterin qarastyramyz. Birinshi kelisimniń quny — 62 mln dollar, — dedi Nurlan Jaqypov.

Aıta keteıik, Aqordada Qasym-Jomart Toqaev Ázerbaıjan Prezıdentin Aqordada qarsy aldy. Qazirgi ýaqytta eki el basshylary kelissóz júrgizip jatyr. Odan keıin Qazaqstan men Ázerbaıjan Joǵary memleketaralyq keńesiniń ekinshi otyrysy ótedi.