Qazaqstan azamattyǵyna qabyldaý tártibine ózgerister engizildi
«Qazaqstan Respýblıkasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesin jáne olarǵa qoıylatyn talaptardy bekitý týraly» Qazaqstan Respýblıkasy Prezıdentiniń 2005 jylǵy 6 maýsymdaǵy № 1587 Jarlyǵyna ózgerister men tolyqtyrýlar engizý týraly
«Qazaqstan Respýblıkasynyń azamattyǵy týraly» 1991 jylǵy 20 jeltoqsandaǵy Qazaqstan Respýblıkasy Zańynyń 16-babyna sáıkes QAÝLY ETEMІN:
1. «Qazaqstan Respýblıkasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesin jáne olarǵa qoıylatyn talaptardy bekitý týraly» Qazaqstan Respýblıkasy Prezıdentiniń 2005 jylǵy 6 maýsymdaǵy № 1587 Jarlyǵyna (Qazaqstan Respýblıkasynyń PYAJ-y, 2005 j., № 23, 284-qujat) mynadaı ózgerister men tolyqtyrýlar engizilsin:
joǵaryda atalǵan Jarlyqpen bekitilgen Qazaqstan Respýblıkasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesi jáne olarǵa qoıylatyn talaptarda:
rettik nómiri 6 jáne 10-joldar mynadaı redaktsııada jazylsyn:
|
6. |
Dáriger
|
Medıtsına salasyndaǵy ǵylymı dárejesi men ataǵynyń, ǵylymı-zertteý jumystarynyń jáne halyqaralyq mańyzy bar izdenisteriniń, halyqaralyq sertıfıkattarynyń bolýy, sondaı-aq mamandanýyna sáıkes: 1. akýsherlik pen gınekologııa; angıohırýrgııa; anestezıologııa-reanımatologııa; kardıohırýrgııa; neırohırýrgııa; onkologııa; onkogematologııa; otorınolarıngologııa; radıologııa; transplantologııa; farmakologııa jáne klınıkalyq farmakologııa; jaq-bet hırýrgııasy salasyndaǵy dıagnostıka men emdeýdiń; 2. farmakogenetıka salasyndaǵy farmakogenomıkanyń ozyq ádisterin meńgerýi
|
»;
«
|
10. |
Nusqaýshy-sportshy |
Sportshyda Olımpıada oıyndarynda birinshiden altynshyǵa deıingi oryndy nemese álem chempıonattarynda birinshiden úshinshige deıingi oryndy nemese Azııa oıyndarynda birinshiden úshinshige deıingi oryndy nemese Eýropa chempıonattarynda birinshiden úshinshige deıingi oryndy nemese sporttyń olımpıadalyq túrleri boıynsha álem kýbogi fınaldarynda birinshi oryndy nemese Azııa, Eýropa chempıonattarynda, Dúnıejúzilik ýnıversıadalarda, Dúnıejúzilik jasóspirimder men ıýnıorlar oıyndarynda birinshiden úshinshige deıingi oryndy ıelengen, sondaı-aq basqa da mańyzdy halyqaralyq jarystarda birinshiden úshinshige deıingi oryndy ıelengen keminde halyqaralyq biliktiliktiń sport sheberi sporttyq ataǵynyń ne halyqaralyq deńgeıdegi sporttyq biliktiliginiń bolýy
|
»;
mynadaı mazmundaǵy rettik nómirleri 25, 26, 27, 28, 29, 30, 31, 32, 33, 34, 35, 36, 37, 38, 39 jáne 40-joldarmen tolyqtyrylsyn:
«
|
25. |
Densaýlyq saqtaý salasyndaǵy maman
|
Medıtsına salasyndaǵy ǵylymı dárejesi men ataǵynyń, ǵylymı-zertteý jumystarynyń jáne halyqaralyq mańyzy bar izdenisteriniń, halyqaralyq sertıfıkattarynyń bolýy, sondaı-aq mamandanýyna sáıkes bıoınformatıka salasyndaǵy bıomedıtsınalyq derekterdi taldaýdyń ozyq ádisterin meńgerýi
|
|
26. |
Bıznes-taldaýshy
|
Bıznes-taldaý praktıkalary boıynsha halyqaralyq tanylǵan sertıfıkatynyń jáne bıznes-protsesterge taldaý júrgizý men modeldeý salasyndaǵy mamandyq boıynsha keminde úsh jyl jumys tájirıbesiniń bolýy
|
|
27. |
Júıelik arhıtektor
|
Ǵylymı dárejesi men ataǵynyń, halyqaralyq sertıfıkattardyń jáne baǵdarlamalyq qamtylym arhıtektýrasyn ázirleý men jobalaý boıynsha keminde úsh jyl jumys tájirıbesiniń bolýy
|
|
28. |
Baǵdarlamalyq qamtylym ázirleýshisi |
Ǵylymı dárejesi men ataǵynyń, mamandyǵy boıynsha biliktiligin rastaıtyn halyqaralyq tanylǵan sertıfıkatynyń; aqparattyq-kommýnıkatsııalyq jáne addıtıvti tehnologııalardy qoldana otyryp, zertteýlerdi, ázirlemelerdi, baǵdarlamalaýdy jáne testileýdi qosa alǵanda, baǵdarlamalyq qamtylymdy ázirleý boıynsha keminde úsh jyl jumys tájirıbesiniń bolýy
|
|
29. |
Aqparattyq tehnologııalar salasyndaǵy jobalyq menedjer |
Ǵylymı dárejesi men ataǵynyń, jobalyq menedjment salasyndaǵy halyqaralyq tanylǵan sertıfıkattarynyń; aqparattyq tehnologııalar salasyndaǵy jobalardy basqarý boıynsha keminde úsh jyl jumys tájirıbesiniń bolýy
|
|
30. |
Robot tehnıkasy jónindegi maman |
Mamandyǵy boıynsha biliktiligin rastaıtyn halyqaralyq tanylǵan sertıfıkatynyń; robottardy baǵdarlamalaý jáne modeldeý boıynsha jumys tájirıbesiniń bolýy |
|
31.
|
Aqparattyq tehnologııalar salasyndaǵy dızaıner
|
Mamandyǵy boıynsha biliktiligin rastaıtyn halyqaralyq tanylǵan sertıfıkatynyń, ınfografıka, vırtýaldy álem boıynsha dızaın salasynda keminde úsh jyl jumys tájirıbesiniń bolýy
|
|
32. |
Aqparattyq qaýipsizdik jónindegi maman |
Ǵylymı dárejesi men ataǵynyń, mamandyǵy boıynsha biliktiligin rastaıtyn halyqaralyq tanylǵan sertıfıkatynyń; aqparatty qorǵaýdy qamtamasyz etý, aqparatty qorǵaý júıelerin ázirleý jáne súıemeldeý, aqparattyq qaýipsizdikti basqarý jáne qamtamasyz etý protsesin baqylaý boıynsha keminde úsh jyl jumys tájirıbesiniń bolýy
|
|
33. |
Aqparattyq qaýipsizdik jónindegi aýdıtor |
Ǵylymı dárejesi men ataǵynyń, mamandyǵy boıynsha biliktiligin rastaıtyn halyqaralyq tanylǵan sertıfıkatynyń; aqparattandyrý obektileriniń aqparattyq qaýipsizdik, aqparattyq qaýipsizdik aýdıtin josparlaý jáne baqylaý talaptaryna sáıkestigine aýdıt júrgizý boıynsha keminde úsh jyl jumys tájirıbesiniń bolýy
|
|
34. |
Aqparatty qorǵaý jónindegi ınjener |
Ǵylymı dárejesi men ataǵynyń, mamandyǵy boıynsha biliktiligin rastaıtyn halyqaralyq tanylǵan sertıfıkatynyń; aqparatty qorǵaý júıesin ázirleý men súıemeldeý, aqparatty qorǵaý quraldaryn ornatý, kúıin keltirý jáne jumys isteýin qamtamasyz etý boıynsha keminde úsh jyl jumys tájirıbesiniń bolýy
|
|
35. |
Joǵary oqý oryndarynyń oqytýshysy |
Tıisti saladaǵy keminde magıstrdiń akademııalyq dárejesiniń, álemdik akademııalyq reıtıngterdiń alǵashqy 100 (júz) qataryna kiretin joǵary oqý oryndarynda keminde bes jyl jumys tájirıbesiniń bolýy
|
|
36. |
Ǵylymı qyzmetker (bilim berý tehnologııalary, ınjenerııa, jobalyq basqarý, agrarlyq ǵylymdar, medıtsına, bıotehnologııalar, aqparattyq tehnologııalar, qarjy jáne ekonomıka salalarynda) |
Ǵylym doktory ǵylymı dárejesiniń jáne halyqaralyq mańyzdy ǵylymı-zertteý jumystarynyń jáne izdenisteriniń; halyqaralyq tanylǵan ǵylymı ınstıtýttarda, zerthanalarda jáne álemdik akademııalyq reıtıngterdiń alǵashqy 100 (júz) qataryna kiretin joǵary oqý oryndarynda keminde on jyl jumys tájirıbesiniń bolýy
|
|
37. |
Bıoaqparat, molekýlıarly bıotehnologııa men bıoınjenerııa salasyndaǵy maman (genetıka, tsıtologııa, janýarlar men ósimdikterdiń selektsııasy)
|
«Bıoınjenerııa men bıoaqparat» salasyndaǵy ǵylym doktory ǵylymı dárejesiniń nemese magıstri akademııalyq dárejesiniń; genomdy dıagnostıka, gendik ınjenerııa, transgenoz ben bıotehnologııa ádisterin ıgerý boıynsha biliktiligin rastaıtyn halyqaralyq tanylǵan sertıfıkatynyń; halyqaralyq tanylǵan ǵylymı ınstıtýttarda nemese zerthanalarda nemese joǵary oqý oryndarynda zertteýlerdi júrgizýde, bıologııalyq obektiler, salystyrmaly genomıkada kompıýterlik taldaýdyń matematıkalyq ádisteri boıynsha aqparattyń úlken aýqymyn óńdeý jáne keıinnen taldaý júrgizýde keminde bes jyl jumys tájirıbesiniń, sondaı-aq algorıtmder men baǵdarlamalardy ázirleýde (maǵynasy ashylǵan genomdar, bıomolekýlalardyń keńistikti qurylymdary, bıologııalyq obektilerdiń ózara is-qımyly) jumys tájirıbesiniń (osy tarmaqta joǵaryda atalǵan kólemde jáne talaptarda) bolýy
|
|
38. |
Agroónerkásiptik keshendi modeldeý júıelerin monıtorıngteý jáne tsıfrlandyrý salasyndaǵy maman |
Qazirgi zamanǵy geoaqparattyq júıeler jáne ártúrli derekkózderden alynatyn aýqymdy derekter salasyndaǵy mamandyǵy boıynsha biliktilikti rastaıtyn halyqaralyq sertıfıkattarynyń; obektiniń ornalasqan jeri týraly, geografııalyq jáne ekologııalyq erekshelikteri, bederiniń pishinderi, topyraq, ósimdikter, gıdrologııa týraly derekterdi jınaý jáne taldaý boıynsha keminde úsh jyl jumys tájirıbesiniń bolýy; qashyqtyqtan basqarylatyn avtomattandyrylǵan aýyl sharýashylyǵy quralymdaryn qura bilýi
|
|
39. |
Avtomattandyrý jáne basqarý salasyndaǵy maman |
Ǵylymı dárejesi men ataǵynyń, biliktiligin rastaıtyn halyqaralyq tanylǵan sertıfıkatynyń; tabıǵı resýrstardy, onyń ishinde aýyl sharýashylyǵy óniminiń aınalymyn, janýarlar jáne ósimdikter áleminiń qorǵalýyn, molaıýy men paıdalanylýyn monıtorıngteýdi avtomattandyrýdyń baqylaý jáne basqarý júıeleri men quraldaryn algorıtmdik, aqparattyq jáne baǵdarlamalyq qamtamasyz etýdi jasaý men qoldaný boıynsha; erekshe qorǵalatyn tabıǵı aýmaqtardy monıtorıngteý boıynsha, tabıǵı resýrstardy, avtonomdy júıelerdi, adamdy energııany, materıaldar men aqparatty alý, óńdeý, berý jáne paıdalaný protsesine tikeleı qatysýdan ishinara nemese tolyq bosatatyn tehnologııalyq jeliler men protsesterdi paıdalaný jáne qorǵaý salasynda esep júrgizý boıynsha keminde úsh jyl jumys tájirıbesiniń bolýy
|
|
40. |
Aýyl sharýashylyǵy mashınasyn jasaý, tehnıkany GPS kómegimen basqarý salasyndaǵy maman |
Ǵylymı dárejesi men ataǵynyń, biliktiligin rastaıtyn halyqaralyq tanylǵan sertıfıkatynyń; 3D modeldeýdi paıdalaný boıynsha jáne aýyl sharýashylyǵy mashınalaryn jobalaý men jasaý kezindegi tsıfrlyq baǵdarlamalyq basqarý, robot tehnıkasyn qoldaný jáne GPS-basqarýmen aýyl sharýashylyǵy mashınalaryn jasaý boıynsha keminde úsh jyl jumys tájirıbesiniń bolýy
|
».
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2018 jylǵy 26 jeltoqsan
№ 814
