Qazaqstan azamattarynyń shyǵý týrızmi salasyndaǵy quqyqtaryna kepildik beretin ákimshisi úshin aýdarylatyn aqsha somasy bekitildi
Týrızmniń Qazaqstan ekonomıkasyndaǵy qarqyndy salalardyń birine aınalǵanyna da asa kóp ýaqyt óte qoıǵan joq. Elimizde týrızm salasyn damytýdyń 2020 jylǵa deıingi Tujyrymdamasy júzege asyrylyp jatyr. Qazaqstannyń iri ınvestorlary bolyp tabylatyn 20 ekonomıkalyq damyǵan elder úshin búgin vızasyz rejim jumys jasaıdy. 2017 jyldyń qańtarynan bastap Ekonomıkalyq yntymaqtastyq jáne damý uıymy (EYDU) elderi men 14 ekonomıkalyq damyǵan jáne saıası turaqty memleketter, barlyǵy - 48 memleket úshin vızasyz rejim engiziledi. Bul Qazaqstandaǵy elge kelýshiler týrızmine jańa serpin beredi.
Osy turǵyda, týrızmniń jan-jaqty damýyna jáne sońǵy kezderi qazaqstandyq azamattardyń shetelderge kóptep shyǵýyna baılanysty atalmysh salada biraz máseleler oryn alyp júrgeni jasyryn emes. Sonyń biri retinde atap aıtsaq, týroperatorlardyń kesirinen qazaqstandyq týrısterdiń shetelderde jatyn oryndary men qaıtý bıletteriniń aqysy tólenbeı qalyp qoıatyn jaǵdaılary jıilep ketti.
Atalmysh máselelerdiń sheshimin tabý jáne azamattarymyzdyń quqyqtaryn qorǵaý maqsatynda Úkimet tarapynan birqatar sharalar qolǵa alyndy. Atap aıtqanda, Qazaqstan Respýblıkasynyń Úkimeti týroperatorlar ózderine júktelgen mindetterin durys oryndamaǵan jaǵdaıda qazaqstandyq týrısterdi elge qaıtarý máselelerin retteıtin qaýly jobalaryn qabyldady. Sonyń biri - Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesine qatysýshylardyń qyzmeti barysynda paıdalanylatyn qarjy kólemin bekitý týraly qaýly boldy.
Qazaqstan Respýblıkasy Úkimetiniń qaýlysy №607
2016 jylǵy 21 qazan, Astana, Úkimet Úıi
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń jumys isteý qaǵıdalaryn, shyǵý týrızmi salasynda qyzmetin júzege asyratyn týroperatorlar men týroperatorlar-áýe kemesimen jaldanýshylar úshin banktik kepildiktermen qamtamasyz etýge jatatyn aqsha somasyn, Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisi úshin arnaıy ashylǵan banktik shotqa aýdarylýy tıis aqsha somasyn bekitý týraly
«Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasynyń Zańy 10-babynyń 10-2) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń jumys isteý qaǵıdalary;
2) shyǵý týrızmi salasynda qyzmetin júzege asyratyn týroperatorlar men týroperatorlar-áýe kemesimen jaldanýshylar úshin banktik kepildiktermen qamtamasyz etýge jatatyn aqsha somasy;
3) Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisi úshin arnaıy ashylǵan banktik shotqa aýdarylýy tıis aqsha somasy bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2016 jylǵy 21 qazandaǵy
№607 qaýlysymen bekitilgen
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń jumys isteý qaǵıdalary
1. Jalpy erejeler
1. Osy Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń jumys isteý qaǵıdalary «Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasynyń Zańy (budan ári - Zań) 10-babynyń 10-2) tarmaqshasyna sáıkes ázirlendi jáne Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń jumys isteý tártibin retteıdi.
2. Osy Qaǵıdalarda mynadaı negizgi uǵymdar paıdalanylady:
1) arnaıy shot - Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń ákimshisi úshin arnaıy ashylǵan banktik shot;
2) Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi - Qazaqstan Respýblıkasynyń azamattary, týragentter, týroperatorlar, týroperatorlar-áýe kemesimen jaldanýshylar, Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń (budan ári - júıe) ákimshisi jáne Qazaqstan Respýblıkasy azamattarynyń shyǵý týrızmi salasyndaǵy quqyqtaryn qorǵaýdy qamtamasyz etetin ýákiletti organ arasyndaǵy quqyqtyq qatynastar jıyntyǵy;
3) Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń ákimshisi - Qazaqstan Respýblıkasynyń Úkimeti aıqyndaǵan, jalǵyz qyzmet túri Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń (budan ári - júıe ákimshisi) fýnktsııalaryn júzege asyrý bolyp tabylatyn zańdy tulǵa;
4) ýákiletti organ - týrıstik qyzmet salasyndaǵy memlekettik basqarý fýnktsııalaryn júzege asyratyn ortalyq atqarýshy organ.
2. Júıeniń jumys isteý tártibi
3. Júıeniń sýbektileri:
1) shyǵý týrızmi salasyndaǵy qyzmetti júzege asyratyn týroperatorlar (búdan ári - týroperatorlar);
2) shyǵý týrızmi salasyndaǵy qyzmetti júzege asyratyn týroperatorlar - áýe kemesimen jaldanýshylar (budan ári - týroperatorlar-áýe kemesimen jaldanýshylar);
3) shyǵý týrızmi salasyndaǵy qyzmetti júzege asyratyn týragentter (budan ári - týragentter);
4) júıe ákimshisi bolyp tabylady.
4. Týroperatorlar jáne týroperatorlar-áýe kemesimen jaldanýshylar Zańnyń 27-3-babynyń 1-tarmaǵynda kózdelgen mindettemelerdiń oryndalýyn qamtamasyz etý maqsatynda júıe ákimshisine mynalardy:
1) týroperatorlarmen jáne týroperatorlar-áýe kemesimen jaldanýshylarmen Qazaqstan Respýblıkasynyń ekinshi deńgeıdegi bankimen jasasqan Qazaqstan Respýblıkasynyń Úkimeti bekitken somadaǵy aqshany banktik kepildik shartynyń túpnusqasyn ne notarıat kýálandyrǵan kóshirmesin;
2) týroperatormen nemese týroperator-áýe kemesimen jaldanýshymen arnaıy shotqa týragent Qazaqstan Respýblıkasynyń azamatyna ótkizgen árbir týrıstik ónimnen Qazaqstan Respýblıkasynyń Úkimeti bekitken aqsha somasyn aýdarǵan týraly málimetterdi beredi.
5. Arnaıy shotqa Qazaqstan Respýblıkasynyń Úkimeti bekitken somada aqshany aýdarý týraly málimetti júıe ákimshisi belgilengen nysan boıynsha týroperatorlarmen jáne/nemese týroperatorlar-áýe kemesimen jaldanýshylary aı saıyn esepti aıdan keıingi aıdyń 5 kúninen keshiktirmeı júıe ákimshisine beredi.
Júıe ákimshisi aı saıyn týroperatorlarmen jáne/nemese týroperatorlar- áýe kemesimen jaldanýshylarmen Qazaqstan Respýblıkasynyń azamattaryna ótkizgen týrıstik ónimder málimetteri jáne arnaıy shotqa aýdarylýǵa tıis aqsha somalary boıynsha salystyrýdy júrgizedi.
6. Júıe ákimshisi óz fýnktsııalaryn oryndaý kezinde týroperatormen jáne týroperator-áýe kemesimen jaldanýshylarmen Qazaqstan Respýblıkasynyń ekinshi deńgeıdegi bankimen jasasqan Qazaqstan Respýblıkasynyń azamatyna ótkizgen árbir týrıstik ónimnen aýdarylatyn aqsha somalarynyń jáne banktik kepildiktermen qamtamasyz etýge jatatyn somalardyń mólsherin ındeksteý boıynsha ýákiletti organǵa usynystardy daıyndaý úshin taldamalyq jáne zertteý jumystaryn júzege asyrady.
7. Júıe ákimshisi jyl saıyn óz qyzmeti týraly esepti júıe ákimshisiniń ınternet-resýrsynda ornalastyrady jáne olardy eseptik kezeńnen keıingi kúntizbelik 30 kún ótken soń Qazaqstan Respýblıkasynyń barlyq aýmaǵyna taratylatyn merzimdi baspasóz basylymdaryn jarııalaıdy.
3. Qazaqstan Respýblıkasy azamattarynyń shyǵý týrızmi salasyndaǵy
quqyqtaryn qorǵaý jónindegi is-sharalardy júzege asyrý tártibi
8. Qazaqstan Respýblıkasy azamattarynyń shyǵý týrızmi salasyndaǵy quqyqtaryn qorǵaý boıynsha is-qımyldary (budan ári - azamattardyń quqyqtaryn qorǵaý jónindegi is-qımyldar) mynalardy qamtıdy:
1) týrıst bolyp tabylatyn Qazaqstan Respýblıkasynyń azamattaryn ýaqytsha bolatyn eldegi (jerdegi) aýmaǵynan Qazaqstan Respýblıkasynyń aýmaǵyna avıakóligi, temirjol kóligi, avtokólik nemese sý kóligi arqyly qaıtarý;
2) týrıst bolyp tabylatyn Qazaqstan Respýblıkasynyń azamattaryn Qazaqstan Respýblıkasynyń aýmaǵyna qaıtarýǵa deıingi ýaqytta, olardy qonaq úı nemese basqa da ornalastyrý oryndaryna ornalastyrýdy (ýaqytsha túrý) qamtamasyz etý (eger qaıtarýdy eriksiz kútý merzimi kúndizgi ýaqytta 8 saǵattan kóp, al túngi ýaqytta 6 saǵattan kóp bolsa);
3) týrıst bolyp tabylatyn Qazaqstan Respýblıkasynyń azamattaryn ýaqytsha bolǵan memlekettegi bolǵan orynynan Qazaqstan Respýblıkasynyń aýmaǵyna qaıtarý júzege asyrylatyn orynǵa deıin jetkizý;
4) týrıst bolyp tabylatyn Qazaqstan Respýblıkasy azamattarynyń tamaqtandyrýlaryn uıymdastyrý (eger qaıtarýdy eriksiz kútý merzimi 4 saǵattan kóp bolsa).
9. Azamattardyń quqyqtaryn qorǵaý boıynsha is-qımyldardy júzege asyrý týraly sheshimdi júıe ákimshisi ýákiletti organmen kelisý boıynsha mynadaı jaǵdaılarda:
1) Qazaqstan Respýblıkasy azamattarynyń shyǵý týrızmi salasyndaǵy quqyqtary buzylǵan jaǵdaıda, onyń jazbasha nemese aýyzsha ótinishi bolǵanda;
2) shyǵý týrızmi salasyndaǵy týrıstik qyzmet týraly Qazaqstan Respýblıkasynyń zańnamasyn buzý faktileri boıynsha memlekettik organdardyń ótinishi bolǵanda;
3) Qazaqstan Respýblıkasy azamattarynyń shyǵý týrızmi salasyndaǵy quqyqtaryn buzý faktileri boıynsha týrıster birlestiginiń (birlestikteriniń) jazbasha ótinishi bolǵanda;
4) Qazaqstan Respýblıkasy azamattarynyń shyǵý týrızmi salasyndaǵy quqyqtaryn buzý faktileri boıynsha buqaralyq aqparat quraldarynyń ótinishi bolǵanda;
5) shyǵý týrızmi salasynda Qazaqstan Respýblıkasy azamattarynyń ómirine jáne densaýlyǵyna zııan keltirý qaýpi týyndaǵan ózge de jaǵdaılarda qabyldaıdy.
10. Osy Qaǵıdalardyń 9-tarmagynda kórsetilgen jaǵdaılar oryn alǵan kezde júıe ákimshisi bir táýlik ishinde mynadaı sharalardy qabyldaıdy:
1) málimetiniń durystyǵyn, oryndaý múmkin emestigi, týrıstik qyzmet kórsetý sharty boıynsha týroperator men týroperator-áýe kemesimen jaldanýshynyń mindettemelerdi oryndamaýyn jáne/nemese durys oryndamaýyn anyqtaıdy;
2) osy Qaǵıdalardyń 9-tarmaǵynda kórsetilgen málimetter ras bolǵan jaǵdaıda azamattardyń quqyqtaryn qorǵaý boıynsha is-qımyldardy júzege asyrý týraly sheshimdi ýákiletti organmen kelisip qabyldaıdy;
3) ýákiletti organmen kelisý boıynsha qabyldanǵan sheshim týraly týroperator nemese týroperator-áýe kemesimen jaldanýshy basshysyn, týrıster bolǵan eldegi Qazaqstan Respýblıkasynyń sheteldegi mekemesin eskertedi, sondaı-aq Qazaqstan Respýblıkasynyń azamattaryn buqaralyq aqparat quraldary arqyly habardar etedi.
11. Azamattardyń quqyqtaryn qorǵaý boıynsha is-qımyldar júıe ákimshisiniń osy Qaǵıdalardyń 8-tarmaǵynda kórsetilgen qyzmetter kórsetetin úshinshi tulǵalarmen (olardyń birlestikterimen) jasalǵan sharttarǵa sáıkes júzege asyrylady.
12. Osy Qaǵıdalardyń 8-tarmaǵynda kórsetilgen azamattardyń quqyqtaryn qorǵaý boıynsha is-qımyldardy júzege asyrý úshin júıe ákimshisiniń arnaıy shotyndaǵy qarajat jetpegen jaǵdaıda, sondaı-aq, arnaıy shottan paıdalanylǵan qarajatty óteý úshin júıe ákimshisi týrıstik qyzmetter kórsetý sharty boıynsha mindettemelerin oryndamaǵan týroperatordyń jáne/nemese týroperator-áýe kemesimen jaldanýshynyń banktik kepildemesiniń mindettemelerin oryndaý boıynsha talap qoıady.
Ekinshi deńgeıdegi bankter júıe ákimshisi talabynyń negizinde, talap túsken sátten bastap kúntizbelik 5 kún ishinde júıe ákimshisiniń paıdasyna nemese júıe ákimshisi belgilegen úshinshi tulǵalarǵa banktik kepildiktermen qamtamasyz etilgen somalar sheginde aqshany tóleýdi qamtamasyz etedi.
Qazaqstan Respýblıkasy Úkimetiniń 2016 jylǵy 21 qazandaǵy
№607 qaýlysymen bekitilgen
Shyǵý týrızmi salasynda qyzmetin júzege asyratyn týroperatorlar men týroperatorlar-áýe kemesimen jaldanýshylar úshin banktik kepildiktermen qamtamasyz etýge jatatyn aqsha somasy
R/s
№ Shyǵý týrızmi salasynda qyzmetin júzege asyratyn sýbektiler Banktik kepildiktermen qamtamasyz etýge jatatyn aqsha somasy
1. Týroperator 5000 AEK
2. Týroperator-áýe kemesimen jaldanýshy 15000 AEK
Qazaqstan Respýblıkasy Úkimetiniń 2016 jylǵy 21 qazandaǵy
№607 qaýlysymen bekitilgen
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisi úshin arnaıy ashylǵan banktik
shotqa aýdarylýy tıis aqsha somasy
R/s
№ Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń sýbektisi Ótkizgen árbir týrıstik ónimnen banktik shotqa aýdarylýy tıis aqsha somasy
1. Týroperator 0,5 AEK
2. Týroperator-áýe kemesimen jaldanýshy 0,5 AEK
