Qazaqstan azamattaryna óz quqyǵyn qorǵaý jeńil bolmaq – GFR ókili

ALMATY. QazAqparat - Berlın ákimshilik sotynyń sýdıasy, «Ortalyq Azııa elderinde quqyqtyq memlekettilikti ornatýǵa septesý» (GIZ) baǵdarlamasynyń dırektory, atalǵan uıymnyń Qazaqstan men Ózbekstandaǵy ókili Iorg Pýdelka Qazaqstandaǵy quqyqtyq júıeniń reformasyna qatysty pikir bildirdi, dep habarlaıdy QazAqparat tilshisi.

«Bıyl Qazaqstanda ákimshilik protsedýralyq protsessýaldyq kodeks qabyldandy. Bul qujat kelesi jyly kúshine enedi. Bul Qazaqstandaǵy asa iri reformalardyń biri. Sebebi, múlde basqa zań qalyptasady. Ákimshilik jaýapkershilikti qabattastyrmaı jarııa quqyqtyq máselelerdi ǵana qarastyratyn múlde bólek sottar bolady. Baltyq jaǵalaýy elderi bul júıege burynnan kóshken. Postkeńestik elder endi aýysyp jatyr. Ýkraınada bul júıe bar. Barlyq ońtústik Kavkaz: Armenııa, Grýzııa, Ázerbaıjan osy júıege kóshti. Ortalyq Azııada Qyrǵyzstan birqatar shekteýmen, Ózbekstan aýysyp jatyr. Qazaqstan da kelesi jyly osy júıege kqshedi», - dedi ol.

Onyń aıtýynsha, sottar birinshi ret jarııa quqyqtyq daýlardy ınstıtýtsıonaldy prıntsıppen qarastyratyn bolady.

«ıAǵnı, bul jer de sottyń belsendi róli aıqyndalady. Bul taraptardyń jaýapkershiligin azaıtyp, quqyqtaryn kóbeıtedi. Qazaqstan azamattary quqyqtyq bilimi bolmasa da, qorǵaýshysyz da óz quqyqtaryn qorǵaı alady», - dedi ol.