Qazaqstan áıelderi gınekologııalyq obyr dertine jıi shaldyǵýda

ALMATY. QazAqparat – Jyl saıyn Qazaqstanda jatyr moıyny obyryna shaldyǵýdyń 1800-den astam faktisi, jatyr qaterli isiginiń 1100-den astam jaǵdaıy jáne analyq bez qaterli isiginiń 1120 faktisi anyqtalady. Bul jóninde Almatydaǵy baspasóz máslıhatynda QR Densaýlyq saqtaý mınıstrliginiń bas onkology, QR Densaýlyq saqtaý mınıstrligi Qazaq onkologııa jáne radıologııa ǵylymı-zertteý ınstıtýty basqarma tóraıymy, m.ǵ.d. Dılıara Qaıdarova málim etti, dep habarlaıdy QazAqparat.

Jyl saıyn jatyr moıyny obyrynan - 600-ge jýyq, jatyr qaterli isiginen - 230, analyq bezdiń qaterli isiginen - 450-ge jýyq áıel kóz jumady. Onyń basym kópshiligi - bala kóterýge qabiletti jastaǵy kelinshekter.

«Qazirgi tańda Qazaqstanda jatyr denesindegi patologııany erterek anyqtaýǵa arnalǵan tegin onkoskrınıng ótkiziledi. ıAǵnı 30 jastan asqan ár áıel jyl saıyn onkotsıtologııaǵa jaǵyndy tapsyrýy kerek (pap-test). Bul kez kelgen emhanada tegin jasalady. Sondaı-aq, profılaktıka júrgizý maqsatynda gınekologqa qaralýǵa bolady. Turaqty túrde tekserilip otyrý kerek», - deıdi Dılıara Qaıdarova.

Sondaı-aq, emhanalarda kolposkopııa júrgiziledi. ıAǵnı patologııany anyqtaý úshin jatyr moıyny arnaıy qurylǵymen tekseriledi. Bunyń barlyǵy Qazaqstan áıelderi úshin - tegin.

21 qyrkúıek, senbi kúni Qazaq onkologııa jáne radıologııa ǵylymı-zertteý ınstıtýtynda, sondaı-aq, óńirlik onkodıspanserlerdiń barlyǵynda Ashyq esikter kúni ótkiziledi. Kez kelgen áıel adam kelip, onkologtardan keńes alyp, onkotsıtologııaǵa jaǵyndy tapsyra alady.

Jatyr moıyny obyryna shaldyǵý deńgeıi Qostanaı (100 myń adamǵa – 16,2), Aqtóbe (14,7), Batys Qazaqstan (14,4) oblystarynda joǵary. Al Shymkent, Túrkistan, Jambyl oblystarynda dertke shaldyǵý deńgeıi tómen.

Jatyr denesiniń qaterli isigine shaldyǵý jaǵdaılary Qaraǵandy (10,9), Shyǵys Qazaqstan, Pavlodar jáne Soltústik Qazaqstan oblystarynda (100 myń adamǵa – 9,9) jıi kezdesedi. Al dertke shaldyǵý deńgeıi tómen óńirlerdiń qatarynda Jambyl jáne Atyraý oblysytary (100 adamǵa – 3,9) tur.

Avtor: Elaman Turysbekov