Qazaqstan aýmaǵynda aýa raıyna baılanysty eskertý jarııalandy

ASTANA. QazAqparat - Dúısenbi kúni elimizdiń aımaqtarynda jel kúsheıedi, birneshe oblysta eskertý jarııalandy, dep habarlaıdy «Qazgıdromet» RMK.

Astanada 10 qyrkúıek kúni keshkisin jáne 11 qyrkúıek kúni ońtústik batystan jel soǵyp, ol soltústik batysqa qaraı baǵyt alady. Jyldamdyǵy sekýndyna 15-20 metr.

11 qyrkúıek kúni Jambyl oblysynyń keı jerlerinde kún kúrkirep, burshaq jaýýy yqtımal, batystan jáne ońtústik batystan 15-20 metr/sekýnd jyldamdyqpen jel soǵady. 11 jáne 12 qyrkúıekte jeldiń ekpini sekýndyna 23-28 metrge jetedi.

11 qyrkúıekte Aqtóbe oblysynyń birqatar aýmaqtarynda soltústik batystan jyldamdyǵy 15-20 metr/sekýnd jel soǵady.

Ońtústik Qazaqstan oblysy boıynsha jel kúsheıip, onyń jyldamdyǵy sekýndyna 15-20 metrge jetedi.

Almaty oblysynda 11 qyrkúıekte batystan jel soǵady, kúndiz ekpini 25 metr/sekýndqa jetedi.

Taldyqorǵan qalasynda 11 qyrkúıekte jel turyp, ekpini sekýndyna 15-20 metrge jetedi.

11 qyrkúıekte Qostanaı oblysynda jel sekýndyna 15-20 metr jyldamdyqpen soǵady.