Qazaqstan astyq eksportyn 58,4%-ǵa arttyrdy

ASTANA. KAZINFORM - «Qazaqstan temir joly» ulttyq kompanııasynyń málimetine sáıkes, 2024 jylǵy qyrkúıekten 2025 jylǵy 10 shildege deıin Qazaqstannan jańa ónim astyǵynyń eksporty 9,3 mln tonnany qurady.

QR aýyl sharýashylyǵy mınıstrligi baspasóz qyzmetiniń habarlaýynsha, bul 2023–2024 jyldardaǵy sáıkes kezeńmen salystyrǵanda 58,4%-ǵa artyq.

Eksport kóleminiń ósýi qazaqstandyq astyqtyń syrtqy naryqtarda joǵary suranysqa ıe ekenin jáne jetkizý geografııasyn keńeıtý men logıstıkalyq ınfraqurylymdy jańǵyrtý baǵytynda qabyldanyp jatqan sharalardyń tıimdiligin kórsetedi.

Eksporttyń negizgi baǵyttary: Ózbekstan – 3,4 mln tonna (+32,8%), Tájikstan – 1,3 mln tonna (+45,8%), Aýǵanstan – 309 myń tonna (+49,2%), Qyrǵyzstan – 238 myń tonna (+96%), Iran – 974 myń tonna (17,5 esege ósken), Ázerbaıjan – 713 myń tonna (118,8 esege ósken).

Eske sala keteıik, osyǵan deıin Qazaqstan bıdaıy Qytaı arqyly Vetnamǵa jetkizilgeni týraly jazdyq.