Qazaqstan astyǵy qaıda eksporttalady?

ASTANA. KAZINFORM – Qazaqstannyń astyq eksportyndaǵy pozıtsııasy ilgerilep keledi. Sala ótken jyly rekordtyq deńgeıge jetti. Jeltoqsan aıynda mıllıon tonnaǵa jýyq astyq shetel assa, jyl boıy 7,9 mln tonna ónim eksporttalǵan.

QR Aýyl sharýashylyǵy mınıstrliginiń málimetinshe, 2024 jyldyń qyrkúıek aıy men 2025 jyldyń naýryz aıy aralyǵynda eksportqa 6,4 mln tonna astyq jóneltilgen. Basym deni Ózbekstan men Tájikstanǵa tasymaldanypty.

– Jańa eginniń astyq eksportynyń ósýi baıqalady. Ózbekstanǵa – 31,7% (1,8 mln tonnadan 2,4 mln tonnaǵa deıin), Tájikstanǵa – 50% (633 myń tonnadan 954 myń tonnaǵa deıin), Aýǵanstanǵa – 40% (192 myń tonnadan 261 myń tonnaǵa deıin), Qyrǵyzstanǵa - 88%-ǵa (78 myń tonnadan 147 myń tonnaǵa deıin) deıin artty, – delingen mınıstrlik málimetinde.

Aıta ketý kerek, Iran men Ázerbaıjanǵa da qazaqstandyq astyq jetkizilimi ulǵaıdy. Keıingi jyly Iranǵa – 17,6 ese, Ázirbaıjanǵa – 84 ese artyq eksport jasalǵan.

Buǵan deıin álemdik astyq eksportynyń otandyq naryqqa qalaı áser etetinin taldaǵan edik.