Qazaqstan AÓSShK Jastar keńesiniń IV otyrysyn ótkizdi
2021 jyldyń 18 maýsymynda Nur-Sultan qalasynda onlaın-formatta Qazaqstan Respýblıkasynyń Azııadaǵy ózara is qımyl jáne senim sharalary jónindegi keńesinde 2020-2022 jyldary tóraǵalyq etý sheńberinde AÓSShK-tiń Jastar keńesiniń IV-shi otyrysy ótti.
Otyrys jumysyna AÓSShK múshe-memleketterdiń memlekettik organdary men jastar uıymdarynyń ókilderi qatysty.
Otyrys basynda qatysýshylarǵa Qazaqstannyń mádenı jáne týrıstik tanymal jerleri týraly vıdeorolık prezentatsııalandy.
Talqylaýǵa shyǵarylǵan negizgi taqyryptar kún tártibin qoldaý jáne BUU-nyń Turaqty damý maqsattaryna ártúrli deńgeıde (TDM) qol jetkizý, sondaı-aq jańa syn-tegeýrinder men qaýip-qaterlerge, atap aıtqanda, TDM sheńberindegi ekologııaǵa qarsy kúrestegi jastardyń tájirıbesi men róli boldy.
Otyrysqa Qazaqstan Respýblıkasynyń Aqparat jáne qoǵamdyq damý vıtse-mınıstri Ashat Oralov tóraǵalyq etti.
Sondaı-aq, is-sharaǵa qatysýshylarǵa AÓSShK Hatshylyǵynyń Atqarýshy dırektory Qaırat Sarybaı beınejoldama jasady.
Óz sózinde A.Oralov Qazaqstan Respýblıkasynyń Prezıdenti Q. Toqaevtyń BUU-nyń 75 jyldyq mereıtoıy aıasynda memleketterdi «aǵymdaǵy syn-qaterlerdi, sonyń ishinde jastar máseleleri boıynsha qıyndyqtardy eńserý úshin kúsh-jigerdi shoǵyrlandyrýǵa» shaqyrý bastamasyn atap ótti.
Budan basqa Qazaqstan eriktiler rólin moıyndaý nyshany retinde BUU-ǵa volonterlerdi jumyldyrýdyń halyqaralyq jylyn jarııalaýdy usyndy. Óz kezeginde, Qazaqstan 2020 jyly óz qamqorlyǵymen ótken eriktiler jylyn ótkizý tájirıbesimen bólisýge daıyn.
Sondaı-aq, Qazaqstan Táýelsizdiginiń 30 jyldyǵy aıasynda jáne AÓSShK-niń 30 jyldyǵy qarsańynda 1 maýsymda Nur-Sultan qalasynda Beıbitshilik jáne kelisim saraıynyń aýmaǵynda AÓSShK-ge múshe 27 memleket ókilderiniń qatysýymen AÓSShK alleıasyn salýdyń saltanatty rásimi ótti.
Jahandyq ekologııalyq problemalardyń ózektiligin nazarǵa ala otyryp, jastar keńesiniń tóraǵasy 2021-2022 jyldary AÓSShK elderiniń jastaryn tarta otyryp, «Taza planeta» birlesken ekologııalyq aktsııasyn ótkizýdi usyndy.
Bul aktsııa árbir adamnyń ekologııalyq mádenıetin arttyrý boıynsha AÓSShK-ke qatysýshy-elderdiń turaqty damýynyń mańyzdy negizi bolady.
Otyrys qorytyndysy boıynsha usynymdar qabyldandy, onda otyrysqa qatysýshylar AÓSShK-niń jastar uıymdarymen dıalog pen áriptestik qatynastaryn jandandyrýǵa, sondaı-aq jas mamandardyń áleýmettik, ekologııalyq jáne mádenı salalarǵa qatysýyn qoldaýǵa ýaǵdalasty.
Jalpy, qatysýshy delegattar talqylanǵan máseleler AÓSShK elderinde jastar saıasatyn ilgeriletý úshin ózara qyzyǵýshylyq týdyratyny týraly biraýyzdan kelisti.
AÓSShK shaqyrý týraly ıdeıany alǵash ret Qazaqstan Respýblıkasynyń Tuńǵysh Prezıdenti - Elbasy N.Á. Nazarbaev 1992 jylǵy 5 qazanda BUU Bas Assambleıasynyń 47-sessııasynda jarııa etkeni belgili.
Bul bastamanyń qozǵaýshy kúshi Azııada beıbitshilik pen qaýipsizdikti qamtamasyz etý boıynsha tıimdi ári qolaıly qurylym qurýǵa umtylý boldy.
AÓSShK Jastar keńesiniń úshinshi otyrysy 2018 jylǵy 13-14 sáýirde Baký qalasynda (Ázirbaıjan Respýblıkasy) ótti.
Onyń qorytyndysy boıynsha AÓSShK qatysýshy-elder jastarynyń qajettilikterin eskeretin usynystar ázirlendi.
