Qazaqstan alǵash ret afrıkalyq muǵalimderdi oqytýdy bastady
ASTANA. KAZINFORM - Qazaqstanda alǵash ret «Nazarbaev Zııatkerlik mektepteri» derbes bilim berý uıymy Pedagogıkalyq sheberlik ortalyǵy Afrıka kontınentindegi sheteldik áriptesterdi oqytýdy bastady.
Bul - ortalyqtyń jańa halyqaralyq jobasy, onyń aıasynda qazaqstandyq zııatkerlik tehnologııalardy jahandyq bilim berýge taratý jalǵasýda.
Eki apta boıy Malavıdiń Lılongve qalasyndaǵy muǵalimderdiń úlken toby Astanaǵa kún saıyn onlaın qosylatyn bolady. Nalıkýle (Nalikule College of Education)⠀pedagogıkalyq kolledjiniń muǵalimderi óz zertteý qyzmetterine Lesson Study jáne Action Research tásilderin engizýdiń negizgi algorıtmderin meńgeredi.
Onlaın-semınardyń ashylýynda «Nazarbaev Zııatkerlik mektepteri» DBBU basqarma tóraǵasy Ánýar Janǵozın muǵalimderdiń kásibı damýynyń mańyzy men sheteldik áriptesterdi oqytýdaǵy NIS-tiń júıeli jumysyn atap ótti. Afrıkalyq taraptyń otandyq bilim berýdi tabysty reformalaýǵa jáne keń aýqymdy yntymaqtastyqqa degen úlken qyzyǵýshylyǵyn Bilim mınıstrliginen Levıs Eneıa, Pedagogıkalyq bilim jáne damý dırektsııasynan Zızva Msýkýma jáne Nalıkýle pedagogıkalyq kolledjiniń dırektory Elızabet Meke rastady. Malavı ókilderi Astanada dástúrli Dúnıejúzilik Lesson Studies qaýymdastyǵy konferentsııasynyń ótetininen erekshe shabyttanǵanyn, oǵan barlyǵy qatysýdy armandaıtynyn moıyndady.
– Afrıkalyq áriptesterimen Nıderlandynyń Zvollesinde WALS estafetasyn qabyldaý kezinde tanystyq, – dep atap ótti Pedagogıkalyq sheberlik ortalyǵynyń dırektory Janbota Kabdykarımova: – Sol kezde birneshe eldiń ókilderi Ortalyqtyń halyqaralyq jobalaryna qyzyǵýshylyq tanytyp, oqytý týraly usynys tastady. Ortalyq partasyna birinshi bolyp elordalyq Nalıkýle pedagogıkalyq kolledjiniń ókilderi otyrdy.
Pedagogıkalyq sheberlik ortalyǵynyń jańa seriktesi – Japonııanyń tehnıkalyq qoldaýymen salynǵan, el úkimeti qurǵan Malavıdiń Bilim, ǵylym jáne tehnologııalar mınıstrligine qarasty bedeldi Nalıkýle bilim berý kolledji. Ulttyq bilim berýdegi ınnovatsııalyq ortalyqtardyń biri retinde tanylǵan ol jaratylystaný-matematıka pánderin oqytýǵa den qoıǵan.
Naýryz aıynda Malavı muǵalimderi Astanada oqýyn jalǵastyrady, sonymen qatar Qazaqstannyń orta bilim berý júıesin zertteıdi dep josparlanýda.
Jańa halyqaralyq joba Lesson study-diń jahandyq elshisi retinde tanylǵan Pedagogıkalyq sheberlik ortalyǵynyń tabysty mıssııasyn taǵy bir ret dáleldedi. Qyrkúıek aıynda Astanada sabaqty zertteýge mamandanǵan eń ozyq sarapshylar men praktıkter dástúrli WALS (Dúnıejúzilik sabaqty zertteý qaýymdastyǵy) konferentsııasynda bas qosady. Qazaqstanǵa Ulybrıtanııa, Sıngapýr, Japonııa, Fınlıandııa, Malaızııa, Avstrııa, Qytaı, Amerıka Qurama Shtattary, Gonkong, Túrkııa, barlyǵy 50-den astam eldiń ókilderi ushyp keledi dep josparlanýda.
Pedagogıkalyq sheberlik ortalyǵy on jyldan astam otandyq jáne álemdik bilim berýge «Lesson study» jahandyq trendin engizýmen tabysty aınalysyp keledi. Oqytý ortalyǵynda osy jyldar ishinde Ázirbaıjan, Ózbekstan, Qyrǵyzstan, Túrkimenstan, ıAkýtııa-Saha elderinen kelgen sheteldik áriptester bilim aldy.
Qazirgi ýaqytta Eýropalyq Odaqpen birlesip Ortalyqtyń taǵy bir halyqaralyq jobasy – Tájikstannyń Bilim jáne ǵylym mınıstrligine, sondaı-aq ýálaıattardyń pedagogıkalyq salanyń bólimderine arnalǵan «Bolashaq pedagogıkasy: zamanaýı mektepterdiń sheshimderi» atty taqyryptyq semınar josparlanǵan.
