Qazaqstan álemdik tólqujat reıtıngisinde neshinshi orynda tur
ASTANA. KAZINFORM – Henley & Partners vızasyz barýǵa bolatyn elder arasynda jańa tólqujat ındeksin jarııalady, dep habarlaıdy Kazinform.
Qazaqstan 67-shi orynǵa turaqtap, kórshilerinen ozyp ketti: Qyrǵyzstan 81-shi, al Ózbekstan 82-shi orynda tur.
Sıngapýr kóshbasshy bolyp qala berdi, al AQSh alǵash ret 12-shi orynǵa túsip, eń myqty tólqujat «ondyǵynan» shyǵyp qaldy. Reseı tólqujaty da 46-shy orynnan 50-orynǵa túsip, tizimde Venesýela men Moldovadan keıin turaqtady.
2025 jyly alǵashqy úsh oryndy Azııa elderi ıelengen: birinshi orynda – Sıngapýr (azamattary 227 eldiń 193-ine vızasyz bara alady), ekinshi orynda Ońtústik Koreıa (190 el), úshinshi orynda Japonııa (189 el).
Henley & Partners kompanııasy Henley Passport Index reıtınginiń 20 jyldyq tarıhynda alǵash ret Qurama Shtattar álemdegi eń qýatty 10 tólqujattyń qataryna kirmegenin atap ótti. 2014 jyly AQSh birinshi orynǵa shyqsa, qazir Malaızııamen 12-shi oryndy teń bólisip otyr.
Buǵan deıin 2025 jyldyń aqpan aıynan bastap Qazaqstannyń jańa tólqujatynyń dızaıny ázirlenip jatqanyn habarlaǵan bolatynbyz.