Qazaqstan 6 aıda 39,6 mln tonna munaı eksporttaǵan

ASTANA. KAZINFORM – Qazaqstan 6 aıda 49,9 mln munaı óndirip, 39,6 mln tonna munaı eksporttaǵan. Bul týraly Úkimet otyrysynda Energetıka mınıstri Erlan Aqkenjenov málim etti.

- Esepti kezeńde munaı óndirý kólemi 49,9 mln tonnaǵa jetip, byltyrǵy 6 aıdyń kórsetkishimen salystyrǵanda 111,6% boldy. Jyl qorytyndysy boıynsha 96,2 mln tonna munaı óndirý kútilip otyr, - dedi ol.

Aıtýynsha, Qazaqstan alǵashqy jartyjyldyqta 39,6 mln tonna munaı eksporttaǵan. Bul byltyrǵy 6 aıdyń kórsetkishinen 11,9% kóp.

- Jyl qorytyndysy boıynsha 70,5 mln tonna munaı eksporttaý josparlanyp otyr, - dedi Energetıka mınıstri.

Eske salsaq, OPEK esebinde Qazaqstan men Ázerbaıjan Eýropaǵa munaı jetkizýde basty ról atqaratyny aıtylǵanyn jazǵan edik.