Qazaqstan 20 mamyrdy Dúnıejúzilik metrologııa kúni dep jarııalaý týraly sheshimge bastamashy boldy
Syrtqy ister mınıstrliginiń málimetinshe, ıÝNESKO Atqarýshy keńesiniń 215-sessııasynda 20 mamyrdy Dúnıejúzilik metrologııa kúni dep jarııalaýdy maquldaý týraly sheshim qabyldandy. Bul sheshim Keńestiń kún tártibine Qazaqstan men Halyqaralyq salmaq ólsheý bıýrosy bastamasymen engizildi.
Atqarýshy keńes bul tarmaqty jyl saıyn 20 mamyrda Dúnıejúzilik metrologııa kúni dep jarııalaýdy josparlap otyrǵan Bas konferentsııanyń 42-shi sessııasynyń kún tártibine engizýdi usyndy.
Otyrysta ıÝNESKO janyndaǵy QR Turaqty ókildigi Atqarýshy keńestiń múshelerine qazaqstandyq usynysty qoldaǵany úshin alǵysyn bildirip, álemdik metrologııalyq qoǵamdastyq metrologııa salasynda áleýetti qurýdyń halyqaralyq úılestirilgen baǵdarlamalary boıynsha ıÝNESKO-men yntymaqtastyqty jalǵastyratynyn atap ótti.
1999 jyly Halyqaralyq salmaq ólsheý komıteti 20 mamyrdy Dúnıejúzilik metrologııa kúni retinde atap ótýge sheshim qabyldady, al Dúnıejúzilik metrologııa kúniniń alǵashqy merekesi 2000 jyly ótti. Sodan beri jyl saıyn Halyqaralyq salmaq ólsheý bıýrosy jáne búkil álemdegi ulttyq metrologııalyq ınstıtýttar men aımaqtyq metrologııalyq uıymdardyń qatysýymen Halyqaralyq zańnamalyq metrologııa uıymy Dúnıejúzilik metrologııa kúnin uıymdastyrady jáne atap ótedi.
Foto: metrologi.madpo.ru
