Qazaqstan 18 elmen qatar jeńil atletıkadan Azııa keńesine qatysady

ASTANA. QazAqparat - 16 qarasha kúni Iordanııa astanasy Amman qalasynda Azııa jeńil atletıka qaýymdastyǵynyń keńesi ótedi, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.

«Jıynda birqatar máseleler kóteriletin bolady. Onyń ishinde kelesi jyly ótetin qurlyqtyq jarystar da qaralady», - dep atap ótilgen habarlamada.

Ázirge 2018 jylǵy Azııa Gran-prıi qaıda ótetini anyqtalmaǵan. Jyl saıyn bul Gran-prı turaqty túrde úsh kezeńnen ótkizilip turady. Jazǵy maýsymdy ashatyn úsh kezeń - 28 sáýir jáne 2-inshi, 5-inshi mamyr kúnderine josparlanǵan. Alaıda qabyldaıtyn qalalar belgisiz. Buǵan deıin bir kezeńin qabyldaýǵa Fılıppın jeńil atletıka federatsııasy qulshynys bildirgen edi. Al qalǵan ekeýin ótkizý jóninde Gonkong pen Makao federatsııalarymen kelissóz júrgizilýde.

Odan bólek naýryz aıynda ótetin krosstan Azııa chempıonaty da qaıda uıymdastyrylatyny sheshilmegen. Osy keńeste sondaı-aq 2018 jyly Argentınada ótetin jasóspirimder arasyndaǵy Olımpıadanyń irikteý kezeńderin qashan ótkizý kerektigi talqylanady.

Aıta keteıik, Azııa keńesi jyl saıyn eki retten ótip turady. Byltyrǵy jyly sary qurlyq ókilderi Taıland astanasy Bangkokta bas qosqan bolatyn. Keńeske 18 el múshe. Onyń ishinde Qazaqstanda bar.