Qazaq kúresi
«QazAqparat» HAA «Tarıhı foto» aıdaryn usynady. Búgin redaktsııa qazaqsha kúres týraly áńgimeleıdi.
Qazaq kúresi — Qazaqstan Respýblıkasynyń ulttyq kúres túri. Bul – qazaqtyń kóneden kele jatqan sporttyq oıyndarynyń biri, búginde keńinen tanymal. Qalalar men aýyldardaǵy birde-bir mereke qazaqtyń ulttyq kúresinsiz ótpeıdi dese de bolady.
Buǵan deıin qazaqsha kúreste jas pen salmaqqa shekteý bolmaǵan. Qazir bul sport túrinde kúrestiń birkelki formasy men tehnıkasyna qatysty belgili bir erejeler belgilendi. Qazaqsha kúres balýandarynyń formasy samboshylardyń formasyna uqsaıdy. Qazaq kúresi kúrteshesiniń sambodan aıyrmashylyǵy – qysqa jeńdi jáne ıyǵynda (ustaýǵa arnalǵan) shaǵyn jolaqtary bar jáne neǵurlym berik materıaldan tigiledi.
Bel jáne belden joǵary kez kelgen jerden ustaýǵa ruqsat etiledi. Jekpe-jek maqsaty – qarsylasty arqasymen qulatý.