«QazAqparat» HAA tilshisi UQShU bas hatshysynyń alǵysyna ıe boldy

MÁSKEÝ-ASTANA. QazAqparat - «QazAqparat» HAA tilshisi Medet Ahmetov uıym qyzmeti týraly aqparatty belsendi túrde taratqany úshin UQShU bas hatshysy Nıkolaı Bordıýjanyń alǵysyna ıe boldy.

Máskeýde Ujymdyq qaýipsizdik týraly shart uıymynyń bas hatshysy Nıkolaı Bordıýjanyń vıdeokópir formatyndaǵy Astana men Erevandaǵy medıaortalyqtarynyń qosylýymen mýltımedııalyq baspasóz máslıhaty ótti.

Shara barysynda UQShU-nyń 2015 jylǵy qyzmeti qorytyndylanyp, 2015 jyly 21 jeltoqsanda Máskeýde ótken UQShU Ujymdyq qaýipsizdik keńesi qyzmetiniń nátıjeleri aıtyldy.

Baspasóz máslıhatynyń sońynda 2015 jyldyń qorytyndysy boıynsha Uıymǵa múshe elderdegi BAQ ókilderi, memlekettik organdar men mekemelerdiń, kúsh qurylymdary vedomstvolarynyń baspasóz hatshylary marapattaldy. Marapatqa ıe bolǵandardyń qatarynda «QazAqparat» tilshisi bar. Ol uıym qyzmeti týraly aqparatty belsendi túrde taratqany úshin UQShU bas hatshysynyń alǵysyna ıe boldy.