«QazAqparat» HAA men Joǵarǵy Sot áriptestik týraly memorandýmǵa qol qoıdy

ASTANA. QazAqparat - «QazAqparat» halyqaralyq aqparat agenttigi men QR Joǵarǵy Soty ózara áriptestik týraly memorandýmǵa qol qoıdy. Kelisimdi kompanııanyń Bas dırektory Dáýren Dııarov pen QR JS apparat basshysy Іlııas Ispanov bekitti.

«Memorandýmǵa qol qoıý QR sot júıesiniń ashyqtyq baǵytyna jasaǵan erikti qadamy dep túsinemiz. Sot bıligi barsha azamattyq qoǵamnyń zańdylyǵyn qamtamasyz etetin bıliktiń eń mańyzdy bóligi. Búgin Joǵarǵy Sot ta, qalalyq jáne aýdandyq sottar da tyǵyz qarym-qatynas, ózara ashyq baılanystardy nyǵaıtýǵa mán bere bastaý - búgingi sot júıesiniń jáne qoǵamnyń quqyqtyq aıadaǵy deńgeıi jańa beleske kóterilip kele jatqandyǵynyń bir kórinisi deýge bolady», - dep atap ótti D.Dııarov.

Onyń sózine qaraǵanda, atalmysh qujat QR Joǵarǵy Sotynyń Qazaqstannyń quqyqtyq jáne aqparattyq keńistigindegi qarym-qatynastardyń alǵashqy qarlyǵashy bolyp otyr.

«Meniń oıymsha, bul áriptestik quqyqtyq qoǵam qurýǵa baǵyttalǵan eń negizgi ári alǵashqy qadam bolmaq», - dep atap ótti agenttik basshysy.

«Sońǵy kezderi elimizdiń sot júıesinde óte jaǵymdy ózgerister oryn alýda. Osyǵan oraı, sot salasynyń jańalyqtaryn udaıy jetkizip turý qajettiligi týyndaýda. Mine, búgin osy maqsatta «QazAqparat» agenttigimen memorandýmǵa qol qoıdyq. Bul kelisim ózara aqparattyq almasý baǵytyndaǵy ekijaqty yntymaqtastyqty odan ári damytýǵa múmkindik beredi. «QazAqparat» - Qazaqstandaǵy halyqaralyq mártebege ıe, bedeldi ári jetekshi memlekettik aqparattyq agenttik. Ol 90 jyldan astam ýaqyttan beri elimiz ben álemdegi eń mańyzdy aqparat týraly kún saıyn jedel túrde taratyp keledi», - dedi R.Ispanov.