«QazAqparat» HAA Azııanyń kóshbasshy BAQ sammıtine qatysýda
«Búginde álem júz jylda bir bolatyn ózgeristerdi bastan ótkerip jatyr. Álemde, sonyń ishinde Azııada beıbitshilik ornaýy úshin barlyq eldiń halyqtary birlesip kúsh jumyldyrýy kerek. Osy baǵytta BAQ ta óz moınyna jaýapkershilik alýy tıis», - dedi Qytaı Kommýnıstik partııasy Ortalyq komıteti nasıhattaý bóliminiń basshysy Hýan Kýnmın medıasammıttiń ashylýynda.
Medıasammıttiń taqyryby - «Azııadaǵy BAQ-tar yntymaqtastyǵynyń jańa dáýiri - sabaqtastyq pen ınnovatsııalyq damý». Sharany Boao Azııa forýmynyń hatshylyǵy, Qytaı teleradıo korporatsııasy, Qytaıdyń jarııaly dıplomatııalyq qaýymdastyǵy uıymdastyrdy.
Іs-sharaǵa Azııa qurlyǵyndaǵy 40-tan astam memlekettiń 140-tan kóp BAQ ókilderi qatysyp jatyr. Sammıt kezinde 4 paneldik sessııa ótedi: «Azııanyń bolashaq birikken qoǵamdastyǵyn qurýdaǵy yntymaqtastyq pen BAQ-tar arasyndaǵy baılanys», «Bir beldeý, bir jol» qurylysy men halyqaralyq kommýnıkatsııalar úshin jańa múmkindikter», «Reformalar men ashyqtyq saıasatyna 40 jyl: Qytaıdyń damýy men jahandyq múmkindikteri», «Azııa mádenıetiniń qubylýy: almasýlar men ózara tanym».
Eske salaıyq, jyl saıynǵy Boao Azııa forýmy (BAF) 8-11 sáýir aralyǵynda QHR-diń Haınan aralynda ótip jatyr. Oǵan álemniń barlyq elderinen kelgen saıası, isker jáne ǵylymı salalalardyń 2 myńnan astam ókilderi qatysýda.
10 sáýir kúni BAF-2018 resmı ashylýyna QHR tóraǵasy Sı Tszınpın qatyspaq.
