«Qazaqmys» kenishiniń úńgýshisi neden qaıtys bolǵany anyqtaldy

QARAǴANDY. QazAqparat - «Balqashtústimet» ÓB-niń Shatyrkól kenishiniń úńgýshisi jumys ornyda júrek talmasynan qaıtys boldy, dep habarlady «Qazaqmys» korporatsııasy» JShS-niń baspasóz qyzmetinen.

«Shatyrkól kenishinde jumys istegen úńgýshiniń aıaq astynan qaıtys bolýynyń sebebi anyqtaldy. Medıtsınalyq saraptama jumysshynyń ólimi óndiriske tikeleı baılanysty emes, júrek talmasynyń saldarynan bolǵan degen qorytyndy shyǵardy», delingen habarlamada.

Qazaqmystyń basshylyǵy men eńbek ujymy úńgýshiniń týystary men jaqyndarynyń qaıǵysyna ortaqtasyp, kóńil aıtty. Buǵan deıin, 23 naýryzda «Balqashtústimet» ÓB-niń Shatyrkól kenishinde 56 jastaǵy úńgýshi qaza tapqany habarlanǵan. Aýysym arasyndaǵy demalys kezinde úńgýshiniń densaýlyǵy kenetten syr bergen. Oǵan alǵashqy medıtsınalyq kómek kórsetilgenimen, dárigerler ajalǵa arasha túse almady. Bul oqıǵany anyqtaý úshin óndiriste arnaıy komıssııa quryldy.