«Qazaqmys» Ásem Shaıahmetovaǵa aı saıyn 750 myń teńge kóleminde járdemaqy tóleıdi

ASTANA. QazAqparat - «Qazaqmys» korporatsııasy AN-2 ushaǵynda qaza bol ǵan jáne zardap shekken qyzmetkerlerdiń otbasylaryna ótemaqy tóleýge sheshim qabyldady, dep habarlaıdy koporatsııanyń baspasóz qyzmetinen.

«Qazaqmys korporatsııasy» JShS-iniń 3 jaqty: jumys berýshi, jumyskerler jáne kásipodaq uıymynyń birikken ujymdyq shartynda kórsetilgendeı, jumys kezinde qaza tapqan jumyskerlerdiń otbasyna, asyraýshysynan aıyrylǵan jaǵdaıda ortasha jalaqynyń 10 jyldyq ústemaqysy birden tólenedi. Sonymen qatar, qaıtys bolǵandardyń kámeletke tolmaǵan balalaryna kámelet jasyna tolǵanǵa deıin aı saıyn turaqty járdemaqy taǵaıyndalady.

Ásem Shaıahmetovaǵa emi aıaqtalyp, jazylǵannan keıin, emniń jalpy somasy anyqtalǵan soń tólemaqy tólenedi. Kompanııa barlyq emdeýge ketken shyǵyndy óz moınyna alady. Sonymen qatar Asem Shaıahmetovaǵa em qabyldaý kezinde oǵan aı saıyn 750 myń teńge kóleminde járdemaqy tólenip turady. Kompanııa birinshi kúnnen bastap Ásem Shaıahmetovanyń ata-anasynyń Astana qalasynda turýyn qamtamasyz etýde. Ásemniń emi bitkenge deıingi jalǵa alǵan ata-anasynyń páteraqysyn kompanııa tóleıtindigi týraly sheshim qabyldanǵan.

Marqumdardy aqtyq saparǵa shyǵaryp salý jáne uıymdastyrý shyǵynyn da kompanııa óz moınyna alǵan bolatyn», - dep jazylǵan habarlamada.