«Qazaqmys» jerasty kenishterin tekseredi

27 qarashada Jaısań kenishinde bolǵan toptyq apatqa baılanysty «Qazaqmys korporatsııasy» JShS-niń barlyq jerasty kenishterinde taý-ken jáne kúrdeli taý-ken jumystary toqtatyldy. 26 ýchaskede 64 týnneldeý brıgadasy, 145 betkeı jumysy da toqtap qalǵan. 30 qarashadaǵy jaǵdaı boıynsha 127 nysanda jumys qaıta jalǵasyn tapty, dep habarlaıdy Kazinform.

Qazirgi kezde 18 nysanda sáıkessizdikterdi joıý jumystary jalǵasyp jatyr. 

«Bas ınjenerler basqaratyn qurylǵan komıssııalar taý-ken jumystaryn tekserý jáne qalpyna keltirý jumystaryn jalǵastyrýda. Qaýipsiz jer jyrtý, ken qazbalaryn jóndeý jáne nyǵaıtý boıynsha jumystar júrgizildi», - dep habarlady Qazaqmys. 

Sonymen qatar kompanııa basshylyǵy tekseristiń barlyq kezeńi úshin toqtatylǵan shahta brıgadalaryna jalaqyny tolyǵymen tóleýge sheshim qabyldady. 

Esterińizge sala keteıik, «Qazaqmys» basshylyǵy jumysshynyń qaıtys bolýyna baılanysty korporatsııanyń barlyq jerasty kenishterindegi taý-ken jáne kúrdeli jumystardy toqtatqan bolatyn.