«Qazaqkontsert» qandaı kúıge túsedi?» - baspasózge sholý
***
Buıyrtsa, kelesi jyldan keıin otandyq munaı óńdeý zaýyttarynyń qýaty artyp, sapasy jaqsaryp, elimizdi benzın men dızel otyny ımportyna táýeldilikten qutqarady. Bul jóninde Energetıka mınıstri Vladımır Shkolnık Ortalyq kommýnıkatsııalar qyzmetinde bolǵan baspasóz máslıhatynda aıtty. Eldegi munaı óńdeý zaýyttaryn jańǵyrtý jumystary 2016 jyldan soń tolyǵymen aıaqtalyp, bar qýatymen jumys isteıdi eken. Qazirgi kúnde Atyraý munaı óńdeý zaýytynda tehnologııany jańǵyrtý jáne qaıta qurý jumystary jalǵasyp jatyr. «Aýqymy keń úzdik tehnologııa iske qosylǵan soń, zaýyttarda munaı-hımııa jáne janar-jaǵarmaı boıynsha joǵary oktandy benzın shyǵarýǵa tolyq múmkindik bolady. Jobanyń jalpy quny 1 mlrd. 098 mln. dollar. Onyń 1 mlrd. 064 mln. dollary - Qazaqstannyń Damý bankiniń qarajaty. Keshen paıdalanýǵa berilgennen keıin, ol jerde 357 jumys orny ashylmaq. Munymen birge, munaıdy tereńdete óńdeý kesheni de salynyp jatyr. Sonda jobanyń jalpy quny 2 mlrd. 23 mln. dollar bolǵaly tur. Búginde onyń qurylys-montaj jumystary júrgizilýde. Bul jumystarǵa shamamen 3,8 myńnan astam adam jumysqa tartyldy. Sóz bolǵan nysan 2016 jyldyń sońyna qaraı tolyq salynyp bitedi degen úmit bar», dedi ol. Osy jaıynda tolyq bilgińiz kelse, «Egemen Qazaqstan» gazetinde jarııalanǵan «Benzın men dızel otynyn óndirý kólemi óspek» degen maqalany oqyp shyǵyńyz.
Bas basylymda «Sákenniń atylǵanyn rastaıtyn aıǵaq tabyldy» degen maqala jarııalandy. «Redaktsııaǵa derek kelip tústi. S.Seıfýllınniń 1938 jyly 25 aqpanda atylǵanyn rastaıtyn qujat tabylypty. Ol qujat Reseıdiń Federaldyq Qaýipsizdik qyzmetiniń (FSB) ortalyq arhıviniń erekshe bóliminen alynǵan. Ony S.Seıfýllın jaıly derekti fılm túsirip júrgen belgili rejısser Erkin Raqyshev tapqan. Ol qujatta sottyń atylsyn degen úkimi oryndalǵany, aqynnyń qaı kúni atylǵany, ólimine qandaı adamdardyń kýáger bolǵany kórsetilip, qoldary qoıylyp akt jasalynǵan», - dep jazady maqala avtory Sońǵy jyldary BAQ betterinde túrli maqalalar basylyp, S.Seıfýllın men M.Jumabaev atylmaǵan, olar Sibirde aıdaýda bolǵan, olardy kórgen adamdar bar degen pikirler aıtylyp júrdi. Biraz kisiler qaıratker aqyndarymyzdyń jatqan jerlerin anyqtaımyz dep, Magadanǵa ekspedıtsııamen de baryp qaıtty. Úkimettiń aldyna arystarymyzdyń súıekterin taýyp, elge ákelip jerleý kerek degen másele qoıdy. Biraq naqty derekter bolmaǵan soń, orynsyz usynys qaıtip oryndalsyn? Endi osynyń aq-qarasyn anyqtap, aqıqatyn Raqyshev dáleldep otyr.
***
«Aıqyn» gazetiniń jazýynsha, osydan biraz ýaqyt buryn «Qazaqkontsert» kontserttik birlestigi men «Gúlder» ansambliniń ujymyn «Qazaq áýenderi» aktsıonerlik qoǵamynan Almaty qalasy Mádenıet basqarmasyna qarasty «Almaty áýenderi» MKQK-ǵa aýystyrý jóninde másele týyndaǵan eken. Áýelde «Qazaq áýenderi» aktsıonerlik qoǵamy tarapynan eki birdeı ujymnyń «Almaty áýenderine» aýysqanyna qarsylyq bolmaǵan. Osy máselege baılanysty, ótken jaz aıynda Almaty qalalyq mádenıet basqarmasynan hat kelgen. Hatta:«Qazaq áýenderi» AQ prezıdentine: «Almaty qalasy Mádenıet basqarmasy Almaty qalasynyń kommýnaldy jekemenshigine ótetin bolsa, Almaty qalasy, Abylaı han, 83 mekenjaıy boıynsha ornalasqan, «Qazaq áýenderi» AQ «Qazaqkontsert» KB fılıaly men «Gúlder» ansambli ujymynyń barlyǵyn jumysqa ornalastyrýǵa kepildik beredi» delingen.
«Qalalyq mádenıet basqarmasy osy jyldyń qańtar aıynan bastap bıýdjetke almaq bolady. Ókinishtisi, bul ujymdar bıýdjetke bekitilmeı qalǵandyqtan, hat sońynda: «Almaty áýenderi» kásipornynyń shtat kestesinde bos oryndardyń bolmaýyna baılanysty, qyzmetkerlerdi jumysqa ornalastyrý múmkin bolmaı otyr. Qazirgi ýaqytta «Qazaq áýenderi» AQ «Qazaqkontsert» KB men «Gúlder» ansambli fılıalynyń qyzmetkerlerin jumysqa ornalastyrý máselesi memlekettik tirkeý aıaqtalǵannan keıin qarastyrylatyn bolady» delingen. Alaıda «Qazaqkontsert» kontserttik birlestiginde qyzmet etetin ánshiler qysqartýǵa ushyraıtynyn aıtyp shyryldaıdy», - dep jazady basylym. Bul týraly «Qazaqkontsert» qandaı kúıge túsedi?» degen maqalada berilgen.
Osy gazette «Asyl ana» saıty iske qosylady» degen maqala jarııalandy. Búginde órship turǵan aýrýlardyń biri - qaterli isik aýrýlary. Sondyqtan bul týraly bilgisi keletinder kóp. Alaıda, oǵan qatysty aqparattardyń deni - orys tilinde. Máselen, sút bezi qaterli isigi týraly aqparatty bireý bilse, ekinshisi bilmeıdi. «Al áıelder arasynda «Sút bezi qaterli isigin túbegeıli emdeýge bola ma? Emdeý tásilderi zııan emes pe?» degen suraqtar jıi qoıylady eken. Osy oraıda, búgin oqyrmandy mazalaǵan osyndaı suraqtarǵa naqty jaýap beretin «Asyl ana» saıty iske qosylady. Jańa saıt halyqtyń sút bezi qaterli isigi týraly saýatyn kóterip, onyń sebepteri men emdeý tásilderi, joldary jáne dıagnostıkasy týraly aqparat bermek», - dep jazady maala avtory.
***
«Ana tili» basylymynyń sońǵy sanynda « Naýryzymyz taıaý. Daıyndyǵymyz qalaı?» atty maqala berilgen. Qazaq halqynyń shyn mánisindegi Jańa jyly - Naýryz meıramy. Jańarý men jasarýdyń basy sanalatyn Naýryz qazaq halqy úshin qashan da bereke men birlik, yrys pen yntymaq, tatýlyq pen baýyrmaldyq merekesi. Naýryzdyń 22-sinde kún men tún teńeledi, Samarqannyń kók tasy erıdi. Qys boıy aq kórpesin jamylyp jatqan kúlli tirshilik bitkenniń jandanýy kimniń bolsa da kóńiline shattyq uıalatady. «Mine, kún men túnniń teńesip, Naýryzdyń tabaldyryqty attaýyna bir aıǵa jeter-jetpes ýaqyt qaldy. Ánsheıinde Jańa jylǵa daıyndyqty erterek bastap, shyrsha tigýdi mindetteıtin ákim-qaralar da, Aıaz atasyn dáripteıtin telearnalar da tym-tyrys. Kúzdiń qara sýyǵynda mańdaıshalaryna «Jańa jyldaryńyzben» degen jazbany ilip qoıatyn mekemeler de, saýda ortalyqtary da Naýryzdan tipti beıhabar sııaqty. Naýryzǵa baılanysty naqty baǵdarlamanyń joqtyǵy da qynjyltady. Keıbir mekemeler Naýryzdy joǵarydaǵylardyń tapsyrmasy retinde qabyldap, keıbireýleri aıdyń basynda, taǵy bireýleri sáýir aıynda toılap jatady», - dep jazady maqala avtory.
