«Qazaq ýnıversıtetiniń álemdik mereıi» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 21 qańtar, sársenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

«Egemen Qazaqstan» gazetinde « Qazaq ýnıversıtetiniń álemdik mereıi» atty maqala berilgen. Ál-Farabı atyndaǵy Qazaq ulttyq ýnıversıteti Álem ýnıversıtetteri konsortsıýmynyń (WUC) tolyqqandy múshesine aınaldy. Elimizdiń bilim berý salasynyń moıyndalǵan kóshbasshysy óziniń joǵary bedeli men halyqaralyq talaptarǵa saı dárejesin taǵy bir dáleldedi.

Álem ýnıversıtetteri konsortsıýmy ǵalamnyń jetekshi JOO-lary men ǵylym men bilim berý salasyndaǵy halyqaralyq uıymdardy biriktiredi. Onyń mindeti adamzattyń mańyzdy máselelerin sheshýdegi ýnıversıtetterdiń rólin arttyrý, qoljetimdi jáne sapaly bilimdi jan-jaqty qoldaý, bilim berý júıelerin jetildirý bolyp tabylady. Ásirese, stýdentter áleýetin arttyrýǵa, olardyń teorııadan alǵan bilimderin is júzinde qoldanýyna erekshe kóńil bólinedi. Aıta keterligi, ár memleketten tek bir ǵana ýnıversıtet osy konsortsıýmǵa múshe bola alady.

Bas basylymda «Adasqan qyzdar qum arasynan tabyldy» degen maqala jarııalandy. Qańtar aıynyń qysqa kúniniń birinde Jańaqala aýdanyndaǵy Jańaqazan aýyldyq okrýgi ákimdigine shalǵaıdaǵy qystaqtan eki qyzdyń adasyp ketkeni týraly shuǵyl habar tústi. Okrýg ákimine habar beriledi. Ol habardy alysymen jolǵa shyǵady. Jer jaǵdaıyna jetik aýyl ákimi S.Ǵubashev qumnan kisi izdeý shóp arasynan ıne izdeýmen birdeı ekenin eskerip, shuǵyl qumǵa júre alatyn tórt kólikpen oqıǵa ornyna jetedi. «Bul kezde saǵattyń tili túngi on ekiden asyp ketken edi. Kózge túrtse kórgisiz qarańǵy túnde ottyń alystan kórinetinin eskergen aýyl ákimi taılanǵan shópti bıik shoqa ústine shyǵaryp jaǵyp aınala kólik jaryǵyn túsirip otyrýdy qajet dep tabady. Sóıtip, tórt kólik osylaısha iz kesip, qum arasyn sharlaýǵa kirisedi. Qysqasy, kelesi kúnge aýysqan saǵat túngi eki shamasynda on úsh saǵat boıy dalada adasqan eki qyz aman-esen tabylady»,-dep jazady basylym.

***

Elbasynyń suńǵyla saıasatynyń arqasynda birinshi ret Alash balasynyń júrip ót­ken tarıhy - el bolyp, etek túrip, shańyraq qurǵan handyq dá­ýirimizdiń 550 jyldyǵy ata­lyp ótpek. Daıyndyq san-sala­ly órbýde. «Jón-aq. Biraq bir aqıqat dúnıe, qarǵa tamyrly qa­zaqtyń bul uly jińgir toıy ótedi, ketedi. As ishiler, bas mú­jiler, báıge shaýyp, balýan kúre­ser, eskertkishter ashylyp, ǵylymı basqosýlar óter, qazaq­tyń tereń tamyrynan syr sýyrt­paqtaǵan biraz shyǵarmalar jazylar. Durys, kerek bári. Degenmen, munyń bári ótkinshi. Eldiń esinde qalar, bolashaq urpaq «men kimmin, tegim kim, qaı­dan shyqtym?» dep tolǵan­ǵanda, «mynaý meniń ata-babam­nyń júrip ótken joly» dep qa­raıtyn hám sodan rýh alatyn bir dúnıe bar. Ol - babalar tarıhyn kórkem fılm etip sóıletý. Ózimiz biletin túrik, káris, qy­taı, japon ata tarıhyn ekran tilimen áspetteýde»,-dep jazady «Aıqyn» gazeti búgingi sanynda. Bul jaıynda «Kóshpendiler» fılminde ketken qatelik bul joly qaıtalanbaýy tıis» degen maqaladan tolyq oqı alasyzdar.

Osy basylymda «Otandyq kóliktiń obaly kimge?» degen maqala jarııalandy. «Biraq turǵyndardyń otandyq kólikti janyna jaqyn qabyldamaıtyny oıǵa qaldyrady. Oǵan basty sebep - bas aýyrtar baǵasy. Baǵa barlyq máseleni sheshedi. Ekinshi másele - kóliktiń kórki men san soqtyrmaıtyn sapasy. Baǵa men sapa týraly aıtqanda, áńgimeniń ashyǵy syrttan keletin temir tulparlardyń eskileý bolsa da ońaılyqpen syr bermeıtini tańǵaldyrady. «Qasqyrdy qansha asyrasań da ormanǵa qarap ulıdy» demekshi, qaltasyna saı kólikti syrttan izdeıtinderdiń syry osynda», - dep jazady maqala avtory.

***

«Ekspress-K» basylymynyń jazýynsha, Qazaqstandyqtar sońǵy kezderi Orynbor qalasyna jıi baratyn boldy. Sebebi rýbl baǵamynyń quldyraýyna baılanysty kórshi elden taýar tasymaldaý tıimdirek. Ekonomıkalyq qubylystar saldarynan shyn máninde orynborlyqtar qalaı turyp jatyr jáne osy qıyndyqtar olardyń turmystyq jaǵdaıyna qalaısha áser etýde? «Jergilikti gazetterdi oqıtyn bolsaq, olar ekonomıkalyq problemalar jaıynda jyzyp júrgen joq. Múmkin bul el jańajyldyq merekelik kúnderden keıin áli de esin jınaı almaı júr me?» - dep jazady maqala avtory. Qazaqstanmen shekaralas ornalasqan RF-tiń osy óńiriniń qazirgi ahýaly «Pochem shopıng dlıa naroda» atty maqalada tolyq berilgen.