Qazaq tilindegi balalar ádebıeti tsıfrlyq formatqa kóshiriledi

ASTANA. KAZINFORM – Qazaq tilindegi balalar ádebıeti tsıfrlyq formatqa kóshiriledi. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.

- Qazirgi ýaqytta elektrondyq kitaphanany qurý jumystary «Qazaqstan Respýblıkasynyń Ulttyq akademııalyq kitaphanasy» bazasyndaǵy «Qazaqstan ulttyq elektrondyq kitaphanasy» (budan ári – «QazUEK») aqparattyq júıesi sheńberinde júzege asyrylyp jatyr. Onda tsıfrlyq formatqa aýdarylǵan otandyq basylymdar (sırek kezdesetin kitaptar, qoljazbalar men merzimdi basylymdar) jınaqtalǵan. Bul elektrondy kitaphana qujattardy jınaý, júıeleý, katalogtaý jumystaryn júrgizedi, sol arqyly tsıfrlyq muraǵatty qalyptastyrady. Bul rette «QazUEK» aqparattyq júıesi qazaq tilindegi balalar ádebıetin tsıfrlyq formattaýdy júrgizedi, - dedi Oljas Bektenov jaýabynda.

Sondaı-aq Úkimet basshysy Senat depýtattarynyń balalar ádebıetin damytýǵa arnalǵan ulttyq strategııa qabyldaý usynysyna jaýap bergen edi.

Aıta keteıik, «QazUEK» qorynda ertegiler, batyrlar jyrlary, ańyz áńgimeler, mıfter, kórkem ádebıet, entsıklopedııalar toptastyrlǵan 1 309 balalar ádebıeti bar.

Premer-mınıstr Oljas Bektenov Senat depýtattarynyń balalar ádebıetin damytýǵa arnalǵan ulttyq strategııa qabyldaý usynysyna jaýap bergen edi.