Qazaqstandyq sportshylar semserlesýden tuńǵysh ret Olımpıadaǵa 4 joldama jeńip aldy

ASTANA. KAZINFORM — Semserlesýden Tbılısıde (Grýzııa) ótip jatqan álem kýbogynyń sheshýshi kezeńinde sapy jattyǵýy boıynsha Qazaqstan erler quramasy Parıj Olımpıadasynyń joldamasyn jeńip aldy.

QR Sportty damytý dırektsııasy málim etkendeı, Qazaqstan qorjynyna Rýslan Qurbanov, Vadım Sharlaımov, Erlik Sertaı jáne Elmır Álimjanov Parıj Olımpıadasynyń joldamasyn syılady.

Komandalyq joldamanyń arqasynda 3 sportshymyz avtomatty túrde jeke saıysta da Olımpıada júldesine talasa alady.

Buǵan Ońtústik Koreıa sportshylarynyń 1/8 fınalda Chehııadan jeńilýi sebep boldy.

Osylaısha, Qazaqstan quramasy jalpy reıtıngte TOP-4 memlekettiń qataryna kirdi.

Buǵan deıingi Olımpıadadaǵy kórsetkishimiz:

1996 jyl. 1/16 fınal. Vıacheslav Grıgorev

2012 jyl. 1/16 fınal. Dmıtrıı Aleksanın

2012 jyl. 1/8 fınal. Elmır Álimjanov

2016 jyl. 1/16 fınal. Ilıa Mokretsov.

Aıta ketelik, Grýzııadaǵy álem kýbogy kezeńinde semserlesýden Qazaqstan komandasy Azııa qurlyǵyndaǵy jalǵyz joldamaǵa talasty. Álemdik uıym qaǵıdasy boıynsha, olımpıadalyq reıtıngte alǵashqy tórt orynda turǵan komandalar avtomatty túrde jazǵy oıyndarǵa qatysady. Al qalǵan quramalary qurlyqqa bólinetin bir joldamany sarapqa saldy.