Qazaq pen túriktiń uly aqyndaryna arnalǵan barelef tanystyryldy
Jıyn barysynda Halyqaralyq «Abaı-Jıdebaı» qoǵamdyq qorynyń uıymdastyrýymen jáne Reseı óner akademııasynyń qurmetti múshesi, professor Baıarlın Azattyń somdaýymen jasalǵan, qazaq jáne túrik eliniń uly aqyndaryna arnalǵan, qoladan quıylǵan bareleftiń tanystyrylymy ótti. Uly aqyn Abaı men ıÝnýs Emreniń qoladan quıylǵan barelefiniń uzyndyǵy – 1 350 mm, bıiktigi – 900 mm, al eni – 350 mm. Salmaǵy 135 keli tartady. Ony aldaǵy ýaqytta Nur-Sultan qalasyndaǵy Qalamgerler alleıasyna ornatý josparlanyp otyr.
Halyqaralyq jıynǵa L.Gýmılev atyndaǵy EUÝ, Qazaqstan Respýblıkasynyń Túrkııa Respýblıkasyndaǵy Elshiligi, Túrkııa Respýblıkasynyń Qazaqstan Respýblıkasyndaǵy Elshiligi, «Abaı akademııasy» ǵylymı-zertteý ınstıtýty, Halyqaralyq «Abaı-Jıdebaı» qoǵamdyq qory, Eýrazııa Jazýshylar odaǵy, Qazaqstan Jazýshylar odaǵy, ıÝnýs Emre atyndaǵy túrik mádenı ortalyǵy, Shyǵys Qazaqstan oblysy Abaı aýdandyq qoǵamdyq keńesi, Abaı atyndaǵy Qazaq ulttyq pedagogıkalyq ýnıversıteti, M.H. Dýlatı atyndaǵy Taraz óńirlik ýnıversıteti jáne basqa da óńirlik joǵary oqý oryndary, qyzyǵýshylyq tanytqan zertteýshiler qatysty.
Halyqaralyq jıynda professor Shákir Ibraev «ıÝnýs Emre jáne Abaı poezııasyndaǵy sopylyq motıvterdiń transformatsııasy», Gúlbaný Qosymova «ıÝnýs Emre jáne Abaı: ıdeıalar sabaqtastyǵy», professor Maǵrıpa Eskeeva «ıÝnýs Emre jáne Abaı shyǵarmalary tilindegi dinı qundylyqtar kórinisi», professor Sámen Qulbaraq «Haqty súıý jáne izgilik jarshysy», professor Janat Aımuhambet «Júnis Emre jáne Abaı poezııasy rýhanı-kórkem tezaýrýs aspektisinde», aqyn-jazýshy, «Abaı joly» romanynyń aýdarmashysy, Zafer Kıbar «Abay ve Yunus Emre’de Eğitim ve İnsan Sevgisi» (Abaı men ıÝnýs Emrede bilim jáne adam súıispenshiligi) taqyryptarynda baıandama jasady.
